Француз муҳандиси Густав Эйфель вафотининг 100 йиллиги муносабати билан ўтказилган иш ташлаш туфайли Эйфель минораси ташриф буюрувчиларни қабул қилишни тўхтатди, дейилади миноранинг расмий сайтида.
“Ходимлар иш ташлаши муносабати билан Эйфель минорасига чиқиш ҳозирда ёпилган. Келтирилган ноқулайликлар учун узр сўраймиз. Минора атрофидаги майдонга кириш очиқ ва ташриф буюриш бепул”, — дейилади хабарда.
Эйфель минораси Франция ҳукуматининг буйруғи билан 1889 йилги Бутунжаҳон кўргазмаси учун муҳандис Густав Эйфель лойиҳаси бўйича қурилган ва ўша пайтда дунёдаги энг баланд бинога айланган.
Дастлаб минорани 20 йилга қолдириб, кейин эса уни бузиб ташлаш режалаштирилган эди. Чунки унинг дизайни кўпчилик парижликларга ёқмаган. Бироқ йиллар давомида у Франция пойтахти рамзига айланиб қолди.
Ёз ойларида Эйфель минорасини томоша қилишга бир кунда 25 минг нафардан ортиқ сайёҳ ташриф буюриши маълум қилинган.
Изоҳ (0)