Yevropa Superligasi tashkilotchilari turnirning ehtimoliy formatini e’lon qildi.
Yevropa Ittifoqi sudi 21-dekabr kuni Superliga foydasiga qaror chiqardi va FIFA hamda UEFA tomonidan loyihaning boshlanishiga to‘sqinlik qilinishi noqonuniy deb topildi.
Turnirni tashkil etayotgan A22 Sports xabariga ko‘ra, turnir ochiq bo‘lib, ishtirokchilarni tanlashda sportdagi erishgan yutuqlariga qaraladi. Bunga parallel ravishda klublar Yevropa futbolining asosini tashkil etadigan milliy chempionatlardagi ishtirokini davom ettiradi.
Erkaklar o‘rtasidagi musobaqa 64 ta jamoadan iborat bo‘ladi, ayollar jamoalari esa 32 tani tashkil etadi. Uchrashuvlar hafta o‘rtalarida bo‘lib o‘tadi.
Superliga uchta divizionni o‘z ichiga oladi — Star, Gold va Blue — ular o‘rtasida ko‘tarilish va quyi ligaga tushish bo‘ladi. Star va Gold ligalarida 16 tadan jamoa kurash olib boradi, Blue ligada esa milliy chempionatlaridagi natijalariga bog‘liq ravishda 32 ta klub ishtirok etishi ko‘zda tutilgan. Turnirda doimiy ishtirokchilar bo‘lmaydi, deya xabar beradi Marca.
Turnir doimiy chempionat va pley-off o‘yinlaridan iborat bo‘ladi. Muntazam turnirda 8 ta jamoadan iborat guruhlarda ikki davra o‘tkazadi — shu tariqa har bir jamoa turnirda kamida 14 ta o‘yin o‘tkazadi. Pley-off bosqichida turnir chempioni, shuningdek, yuqori ligaga chiqadigan yoki quyi divizionga tushadigan jamoalar aniqlanadi.
Yevropa Superligasi 2025/26-yilgi mavsumdan ishga tushirilishi kutilmoqda. Hozirda faqatgina “Real” va “Barselona” ushbu loyihada bo‘lib turibdi.
Izoh (0)