Tashkent Digital Marketing Forum bu — biznes egalari, marketologlar, blogerlar, reklama va dijital-agentliklar, biznesni ilgarilatish uchun internet kommunikatsiyalardan foydalanishni istaydigan yoki buni faol qo‘llab kelayotgan va 2024-yilning eng dolzarb marketing trendlarini bilishni xohlaydiganlar uchun forum.
2024-yil 17-fevralda Hyatt Regency Tashkent mehmonxonasida formatining noyobligi bilan ajralib turuvchi O‘zbekiston marketingi uchun ahamiyatli voqea bo‘lib o‘tadi: forum bir kunda ikkita o‘ta yirik professional hamjamiyatlarni jamlaydi.
“Bu yil konferensiyada ikkita sessiya bo‘ladi: Digital marketing session va Influencer session. Kunning birinchi yarmida biz digital-marketing voqeligini va keyingi yilga prognozlarni muhokama qilamiz, — deydi O‘zbekiston marketing uyushmasi raisi, forum tashkilotchisi Diyor Mirzaahmedov. — Jonli muloqot, dolzarb mavzular, ilgarilatishning zamonaviy vositalari bo‘yicha savollarga javoblar — bularning barchasini biz birinchi marta o‘tgan yilgi dijital-konferensiyada amalga oshirgandik va shu format optimal ekanligini tushundik.
Kunning ikkinchi yarmida biz raqamli kontentning generatsiyasi, rivojlanishiga aloqador bo‘lgan barchaning bir joyda to‘planishi va internetdagi kontent sifati, fikr yetakchilari, blogerlar orqali brendlarni ilgari surish bilan bog‘liq dolzarb masalalarni muhokama qilishi uchun imkoniyat bermoqchimiz. Tajribali ekspertlar o‘z keyslari bilan baham ko‘radilar va nafaqat o‘z blogini yuritishni endi boshlaganlar, balki muayyan muvaffaqiyatga erishganlar uchun ham maslahatlar beradilar. Forum o‘ta ijobiy kayfiyatda yakunlanadi: oqshomda Influencer Awards 2023 eng yaxshi blogerlarni mukofotlash tantanali marosimi o‘tadi”.
O‘tgan yilda raqamli forum Qozog‘iston, Qirg‘iziston, Rossiya, Belarus, Norvegiya, Ukrainadan kelgan 24 nafar ko‘p yillik tajribaga ega va ilg‘or jahon brendlari bilan ishlaydigan yetakchi spikerni jamlagandi. Ikki kunlik konferensiya davomida samarali raqamli strategiyani qanday yaratish, biznesda qanday dijital-vositalardan foydalanish ma’qulligi, Telegram va AliBaba’da qanday ilgari surish yoki sotish kerakligi, internetdagi reklama samaradorligiga qanday ta’sir ko‘rsatish mumkinligi, dijitalda kuchli brendlarni qanday qurish lozim va boshqa ko‘plab qiziqarli mavzularda chiqishlar qilingandi.
Forum spikerlari safida “Yandeks Reklama”, SAP, Admixer, Wunder Digital, Alibaba.com, Veon vakillari, Paper Planes (Rossiya) boshqaruvchi hamkori Ilya Balaxnin, Veon (Niderlandiya) raqamli mahsulotlar bo‘yicha direktori Jorj Xeld, “Bilayn”ning head of PR (Rossiya), mediakonsultant Georgiy Lobushkin, “LAB Alena Vladimirskaya” rahbari Alena Vladimirskaya (O‘zbekiston) chiqish qildilar. Forum Anorbank, Coca-Cola, Yevropa Tiklanish va Taraqqiyot Banki, “Yandeks Reklama”, SAP, Wunder Digital, IT Park Uzbekistan kabi kompaniyalar qo‘llab-quvvatlashi tufayli amalga oshdi. O‘zbekistondagi dijital-marketing sohasining eng keng ko‘lamli voqeasiga aloqador bo‘lgan barchaga minnatdorlik bildiramiz.
2024-yilda Tashkent Digital Marketing Forum nazariyot, amaliyot va muloqot muvozanati shiori ostida o‘tadi. O‘zbekiston, Qozog‘iston, Rossiya, Niderlandiya, Qirg‘izistondan yetakchi ekspertlar taklif etilgan.
O‘zbekistonning eng yaxshi blogerlari, yetakchi agentliklar vakillari inflyuens-marketing trendlari haqidagi dolzarb kontent bilan baham ko‘radilar.
Influencer Awards 2023 mukofotiga arizalar qabuli 22-dekabrga qadar davom etadi. Mukofotdan maqsad — layfstayl, sport, byuti, podkast, avto, musiqa, sketch, pazandachilik va boshqa ko‘plab ommabop yo‘nalishlarda sifatli va foydali raqamli kontent yaratuvchi O‘zbekistondagi eng yaxshi mualliflarni aniqlash va mukofotlashdir.
Xalqaro ekspert hay’ati 2024-yil yanvarda boshlanadigan foydalanuvchilar o‘rtasidagi ochiq ovoz berish natijalarini inobatga olgan holda, mukofotning 25 ta nominatsiyasi bo‘yicha g‘oliblarni tanlaydi.
17-fevralda taqdirlash marosimida o‘zbek va rus tillarida barcha nominatsiyalar bo‘yicha Influencer Awards 2023 mukofoti g‘oliblari aniqlanadi. Bu O‘zbekiston blogerlarining eng keng ko‘lamli mukofotlanishi bo‘ladi.
Forumga kelib nimaga ega bo‘lasiz?
Hammadan bir qadam oldinda bo‘lasiz. Raqobat muhitida ish beruvchi uslublar va vositalardan foydalangan holda o‘z mahsulotlari va xizmatlarini samarali ilgari sura oladiganlar yutadilar.
O‘z tajribasi va muvaffaqiyatli keyslari, foydali tavsiyalari bilan o‘rtoqlashadigan, biznesingiz rivoji uchun ishlaydigan eng dolzarb mavzular va samarali instrumentlarni yoritadigan yetakchi spikerlar bilan tanishasiz.
2023-yil yakunlari va 2024-yilgi rejalar muhokamasi davomida 300 dan ziyod marketing va biznes yetakchilari bilan amaliy tanishuvlarga erishasiz.
Mamlakatning yetakchi brendlari va agentliklarining vakillari bo‘lmish eng yaxshi tarmoq ekspertlari jamlanadigan 2024-yildagi O‘zbekistonning eng yirik marketing forumida qatnashing!
Oldindan ro‘yxatdan o‘tish uchun quyidagi havolani bosing:
https://forms.gle/XH3SZaNNY1CdR7kj7
Qo‘shimcha axborot: 97 402 28 20
Izoh (0)