Tashkent Digital Marketing Forum бу — бизнес эгалари, маркетологлар, блогерлар, реклама ва дижитал-агентликлар, бизнесни илгарилатиш учун интернет коммуникациялардан фойдаланишни истайдиган ёки буни фаол қўллаб келаётган ва 2024 йилнинг энг долзарб маркетинг трендларини билишни хоҳлайдиганлар учун форум.
2024 йил 17 февралда Hyatt Regency Tashkent меҳмонхонасида форматининг ноёблиги билан ажралиб турувчи Ўзбекистон маркетинги учун аҳамиятли воқеа бўлиб ўтади: форум бир кунда иккита ўта йирик профессионал ҳамжамиятларни жамлайди.
“Бу йил конференцияда иккита сессия бўлади: Digital Marketing Session ва Influencer Session. Куннинг биринчи ярмида биз digital-маркетинг воқелигини ва кейинги йилга прогнозларни муҳокама қиламиз, — дейди Ўзбекистон маркетинг уюшмаси раиси, форум ташкилотчиси Диёр Мирзааҳмедов. — Жонли мулоқот, долзарб мавзулар, илгарилатишнинг замонавий воситалари бўйича саволларга жавоблар — буларнинг барчасини биз биринчи марта ўтган йилги дижитал-конференцияда амалга оширгандик ва шу формат оптимал эканлигини тушундик.
Куннинг иккинчи ярмида биз рақамли контентнинг генерацияси, ривожланишига алоқадор бўлган барчанинг бир жойда тўпланиши ва интернетдаги контент сифати, фикр етакчилари, блогерлар орқали брендларни илгари суриш билан боғлиқ долзарб масалаларни муҳокама қилиши учун имконият бермоқчимиз. Тажрибали экспертлар ўз кейслари билан баҳам кўрадилар ва нафақат ўз блогини юритишни энди бошлаганлар, балки муайян муваффақиятга эришганлар учун ҳам маслаҳатлар берадилар. Форум ўта ижобий кайфиятда якунланади: оқшомда Influencer Awards 2023 энг яхши блогерларни мукофотлаш тантанали маросими ўтади”.
Ўтган йилда рақамли форум Қозоғистон, Қирғизистон, Россия, Беларусь, Норвегия, Украинадан келган 24 нафар кўп йиллик тажрибага эга ва илғор жаҳон брендлари билан ишлайдиган етакчи спикерни жамлаганди. Икки кунлик конференция давомида самарали рақамли стратегияни қандай яратиш, бизнесда қандай дижитал-воситалардан фойдаланиш маъқуллиги, Telegram ва AliBaba’да қандай илгари суриш ёки сотиш кераклиги, интернетдаги реклама самарадорлигига қандай таъсир кўрсатиш мумкинлиги, дижиталда кучли брендларни қандай қуриш лозим ва бошқа кўплаб қизиқарли мавзуларда чиқишлар қилинганди.
Форум спикерлари сафида “Яндекс Реклама”, SAP, Admixer, Wunder Digital, Alibaba.com, Veon вакиллари, Paper Planes (Россия) бошқарувчи ҳамкори Илья Балахнин, Veon (Нидерландия) рақамли маҳсулотлар бўйича директори Жорж Хелд, “Билайн”нинг head of PR (Россия), медиаконсултант Георгий Лобушкин, “ЛAБ Алена Владимирская” раҳбари Алена Владимирская (Ўзбекистон) чиқиш қилдилар. Форум Анорбанк, Coca-Cola, Европа Тикланиш ва Тараққиёт Банки, “Яндекс Реклама”, SAP, Wunder Digital, IT Park Uzbekistan каби компаниялар қўллаб-қувватлаши туфайли амалга ошди. Ўзбекистондаги дижитал-маркетинг соҳасининг энг кенг кўламли воқеасига алоқадор бўлган барчага миннатдорлик билдирамиз.
2024 йилда Tashkent Digital Marketing Forum назариёт, амалиёт ва мулоқот мувозанати шиори остида ўтади. Ўзбекистон, Қозоғистон, Россия, Нидерландия, Қирғизистондан етакчи экспертлар таклиф этилган.
Ўзбекистоннинг энг яхши блогерлари, етакчи агентликлар вакиллари инфлюенс-маркетинг трендлари ҳақидаги долзарб контент билан баҳам кўрадилар.
Influencer Awards 2023 мукофотига аризалар қабули 22 декабрга қадар давом этади. Мукофотдан мақсад — лайфстайл, спорт, бюти, подкаст, авто, мусиқа, скетч, пазандачилик ва бошқа кўплаб оммабоп йўналишларда сифатли ва фойдали рақамли контент яратувчи Ўзбекистондаги энг яхши муаллифларни аниқлаш ва мукофотлашдир.
Халқаро эксперт ҳайъати 2024 йил январда бошланадиган фойдаланувчилар ўртасидаги очиқ овоз бериш натижаларини инобатга олган ҳолда, мукофотнинг 25 та номинацияси бўйича ғолибларни танлайди.
17 февралда тақдирлаш маросимида ўзбек ва рус тилларида барча номинациялар бўйича Influencer Awards 2023 мукофоти ғолиблари аниқланади. Бу Ўзбекистон блогерларининг энг кенг кўламли мукофотланиши бўлади.
Форумга келиб нимага эга бўласиз?
Ҳаммадан бир қадам олдинда бўласиз. Рақобат муҳитида иш берувчи услублар ва воситалардан фойдаланган ҳолда ўз маҳсулотлари ва хизматларини самарали илгари сура оладиганлар ютадилар.
Ўз тажрибаси ва муваффақиятли кейслари, фойдали тавсиялари билан ўртоқлашадиган, бизнесингиз ривожи учун ишлайдиган энг долзарб мавзулар ва самарали инструментларни ёритадиган етакчи спикерлар билан танишасиз.
2023 йил якунлари ва 2024 йилги режалар муҳокамаси давомида 300 дан зиёд маркетинг ва бизнес етакчилари билан амалий танишувларга эришасиз.
Мамлакатнинг етакчи брендлари ва агентликларининг вакиллари бўлмиш энг яхши тармоқ экспертлари жамланадиган 2024 йилдаги Ўзбекистоннинг энг йирик маркетинг форумида қатнашинг!
Олдиндан рўйхатдан ўтиш учун қуйидаги ҳаволани босинг:
ҳттпс://формс.гле/ХҲ3SZаННЙ1CдР7кж7
Қўшимча ахборот: 97 402 28 20
Изоҳ (0)