“Influencer Awards 2023” mukofoti Toshkentda bo‘lib o‘tadi. 2024-yil 17-fevralda, har yilgi “Tashkent Digital Marketing Forum” doirasida O‘zbekistonning eng yaxshi blogerlari va kontent mualliflarini taqdirlash o‘tkaziladi.
Mukofotdan maqsad – O‘zbekistonda sifatli va foydali kontent yaratuvchi eng yaxshi mualliflarni aniqlash va taqdirlash.
“Influencer Awards” mukofoti – yangi media sohasida tajriba almashish uchun yangi maydon, shuningdek xalqaro ekspertlar va butun O‘zbekistondagi foydalanuvchilarning e'tirofiga sazovor bo‘lish imkoniyatidir.
Umid G‘ofurov, Troll.uz muallifi va “Tanish-Bilish” krestiv agentligining hammuassisi, mukofot hamtashkilotchisi: “Eng sifatli va foydali kontent mualliflari alohida e'tiborga munosibdir!
Men 2023-yildagi O‘zbekistonning eng sifatli kontent mualliflari 25 ta nominatsiya bo‘yicha aniqlanadigan “Influencer Awards 2023”dek keng ko‘lamli mukofotning hamtashkilotchisi bo‘lganimdan mamnunman”.
“Influencer Awards 2023” mukofoti – barcha kontent mualliflari, fikrlar yetakchilari va ekspertlar uchun 2023-yil yakunlari bo‘yicha umumxalq e'tirofiga sazovor bo‘lishning noyob imkoniyatidir.
Mukofot uchun O‘zbekistondagi mualliflar o‘rtasida eng ko‘p tarqalgan ta'limiy va ko‘ngil ochar xarakterdagi mavzuiy yo‘nalishlar tanlangan: lifestyle, sport, beauty, podkastlar, avto, musiqa, sketchlar, pazandachilik va ko‘plab boshqa yo‘nalishlar.
Mukofotda qatnashish mutlaqo bepul. Qatnashish uchun www.influencerawards.uz saytida o‘z yo‘nalishingiz bo‘yicha ariza qoldirishingiz kifoya. Arizalar 22-dekabrgacha qabul qilinadi.
Ekspert hay'atiga, tashkilotchilardan tashqari, quyidagilar kirdi: Sharif Abdullaev (Konsta, O‘zbekiston), Jamshidxon Ziyoxonov (Subyektiv, O‘zbekiston), Saadulla Abdullaev (Texnoplov, O‘zbekiston), “2any1” agentligi hamtashkilotchisi Diana Laletina (Qozog‘iston) va Eldana Satibaldieva (Eldana Foureyes, Qirg‘iziston).
Ular mukofotning barcha nominatsiyalari bo‘yicha foydalanuvchilar o‘rtasidagi ochiq ovoz berish natijalarini hisobga olgan holda g‘oliblarni aniqlaydilar.
Hay'at a'zolari quyidagilarga e'tibor beradilar: kreativ yonashuv, foydalilik, prodakshenning murakkabligi, jamiyatga ta'siri, auditoriyaning jalb qilinganligi va sh.k.
O‘z blogini ommaga tanitmoqchi bo‘lganlar ushbu havola orqali o‘tib, ariza qoldirishi mumkin.
Mukofot tashkilotchilari: O‘zbekiston marketing uyushmasi, O‘zbekiston Respublikasi Raqobatni rivojlantirish va iste'molchilar huquqlarini himoya qilish qo‘mitasi, “Tanish-Bilish” kreativ agentligi, “We Digital” dijital agentligi.
Izoh (0)