“Tolibon”ning kon va neft vaziri Shahobiddin Delavar xorijiy davlatlarni Afg‘onistonning tog‘-kon sanoatiga sarmoya kiritishga chaqirdi, deb xabar bermoqda Tasnim.
Delavar, Afg‘onistonga sarmoya kiritish imkoniyati “Tolibon” hukumati davrida avvalgi davrlardan ko‘ra ko‘proq ta’minlanganini va xorijiy davlatlar konchilik sohasiga sarmoya kiritishi mumkinligini aytdi.
Avval “Tolibon” rasmiylari Afg‘onistonning tog‘-kon sanoatiga sarmoya kiritish huquqi dastlab qo‘shni davlatlarga berilishini ma’lum qilgandi.
Dekabr boshida amerikalik tadbirkor Afg‘onistondagi konlardan biriga 10 million dollar sarmoya kiritishi haqida xabar berilgandi.
“Tolibon”ning Panjsher viloyatidagi mahalliy rasmiylari amerikalik tadbirkor ushbu viloyatdagi zumrad konlarini qazib olish uchun zamonaviy asbob-uskunalarga qariyb o‘n million dollar sarmoya kiritishga va’da berganini ma’lum qilgan.
Izoh (0)