Amerikalik tadbirkor Afg‘onistondagi konlardan biriga 10 million dollar sarmoya kiritadi, deb xabar berdi “Daryo”ning Afg‘onistondagi muxbiri.
“Tolibon”ning Panjsher viloyatidagi mahalliy rasmiylari amerikalik tadbirkor ushbu viloyatdagi zumrad konlarini qazib olish uchun zamonaviy asbob-uskunalarga qariyb o‘n million dollar sarmoya kiritishga va’da berganini ma’lum qilgan.
“Tolibon” rasmiylari Panjsherda yangi topilgan 40 ta zumrad konini qazib olish bo‘yicha ish boshlanganini ham e’lon qildi.
Statistik ma’lumotlarga ko‘ra, Panjsher zumrad konlarida yetti mingga yaqin konchi ishlaydi. Ishchilarning aytishicha, zamonaviy asbob-uskunalar yo‘qligi jiddiy muammolardan biriga aylangan.
Avval “Tolibon”ning Kon-ruda va neft vazirligi umumiy qiymati 6,5 milliard dollardan ortiq bo‘lgan yettita konni qazish bo‘yicha turli kompaniyalar bilan kelishuvlarni imzolagandi.
Izoh (0)