Bag‘dod markazida yuqori darajada himoyalangan Yashil hududdagi AQSH elchixonasi atrofiga raketa kelib tushdi, dedi Shafaq Newsga Iroq xavfsizlik manbasi.
Bag‘doddagi Amerika elchixonasi yaqinida portlashlar eshitildi, bino ichida signal sirenalari yangradi. Dastlabki ma’lumotlarga ko‘ra, elchixona yaqiniga bir nechta raketa uchirilgan, — dedi agentlik suhbatdoshi.
Ushbu hujum ortida kim turgani haqida hozircha ma’lumot yo‘q.
Oxirgi oylarda Iroqdagi Amerika inshootlari shia guruhlari hujumiga uchramoqda. AQSH harbiy bazalari o‘qqa tutilmoqda. Shia jangchilari AQSH kuchlariga qarshi hujumlar Isroilning G‘azo sektoridagi amaliyoti bilan bog‘liqligini da’vo qilmoqda.
23-noyabr kuni Iroq va Suriyadagi Amerika qo‘shinlariga raketalar va jangovar dronlar yordamida to‘rt marta hujum uyushtirilgandi.
Hujumlar AQSH Bag‘dod janubidagi “Hizbulloh” pozitsiyalariga zarba berganidan bir kun o‘tib sodir bo‘ldi: natijada guruhning sakkiz nafar a’zosi o‘ldirilgani aytilgandi. Iroq hukumati hujumni eskalatsiya va suverenitetning buzilishi sifatida qoraladi.
Izoh (0)