Бағдод марказида юқори даражада ҳимояланган Яшил ҳудуддаги АҚШ элчихонаси атрофига ракета келиб тушди, деди Shafaq News’га Ироқ хавфсизлик манбаси.
Бағдоддаги Америка элчихонаси яқинида портлашлар эшитилди, бино ичида сигнал сиреналари янгради. Дастлабки маълумотларга кўра, элчихона яқинига бир нечта ракета учирилган, — деди агентлик суҳбатдоши.
Ушбу ҳужум ортида ким тургани ҳақида ҳозирча маълумот йўқ.
Охирги ойларда Ироқдаги Америка иншоотлари шиа гуруҳлари ҳужумига учрамоқда. АҚШ ҳарбий базалари ўққа тутилмоқда. Шиа жангчилари АҚШ кучларига қарши ҳужумлар Исроилнинг Ғазо секторидаги амалиёти билан боғлиқлигини даъво қилмоқда.
23 ноябрь куни Ироқ ва Суриядаги Америка қўшинларига ракеталар ва жанговар дронлар ёрдамида тўрт марта ҳужум уюштирилганди.
Ҳужумлар АҚШ Бағдод жанубидаги “Ҳизбуллоҳ” позицияларига зарба берганидан бир кун ўтиб содир бўлди: натижада гуруҳнинг саккиз нафар аъзоси ўлдирилгани айтилганди. Ироқ ҳукумати ҳужумни эскалация ва суверенитетнинг бузилиши сифатида қоралади.
Изоҳ (0)