Toshkent shahar Yunusobod tumanida Qizil kitobga kiritilgan noyob qushni saqlab kelgan fuqaro aniqlandi. Bu haqda Toshkent shahar Ekologiya, atrof-muhitni muhofaza qilish va iqlim o‘zgarishi boshqarmasi xabar berdi.
Ma’lum qilinishicha, 6-dekabr kuni davlat inspektorlari tomonidan Yunusobod tumani bo‘ylab navbatdagi nazorat reyd tadbirlari o‘tkazilgan. Tadbirlar mobaynida, tumanning “Sobirobod” MFY hududi 9-mavzesida istiqomat qiluvchi fuqaro H.SH. Qizil kitobga kiritilgan bir bosh yirtqich lochinni noqonuniy saqlab kelayotgani aniqlangan.
Aniqlangan holat bo‘yicha ushbu qush davlat inspektori tomonidan dalolatnoma tuzilgan holda olib qo‘yilgan, hozirgi vaqtda hayvonot bog‘ining qushlar bo‘limiga topshirish ishlari olib borilmoqda.
.jpg)
Shuningdek, amaldagi qonunchilikka muvofiq fuqaro H.SH.ga nisbatan Ma’muriy javobgarlik to‘g‘risidagi kodeksning tegishli qismiga asosan chora ko‘rilishini maʼlum qilamiz, — deyiladi xabarda.
Aprel oxirlarida Surxondaryoda xorijlik ovchi Qizil kitobga kiritilgan echkini ovlagani yuzasidan izoh berilgan, Qashqadaryoda esa Qizil kitobga kiritilgan ayiq otib o‘ldirilgani yuzasidan jinoyat ishi qo‘zg‘atilgan edi. Toshkentda Qizil kitobga kiritilgan qushlarning noqonuniy savdosiga chek qo‘yilgan, Farg‘onada bo‘ri bolalari necha puldan sotilgani maʼlum bo‘lgandi. Sirdaryoda Qizil kitobga kiritilgan sakkizta lochinni 280 mln so‘mga sotishga uringan shaxslar ushlangan.
Izoh (0)