Ekologiya, atrof-muhitni muhofaza qilish va iqlim o‘zgarishi vazirligi huzuridagi “Hisor” davlat qo‘riqxonasi xodimlari tomonidan o‘rnatilgan videoqopqonga Sibir tog‘ echkisi muhrlandi. Bu haqda vazirlik matbuot xizmati xabar berdi.
Sibir tog‘ echkisi O‘zbekiston Qizil kitobiga kiritilgan bo‘lib, asosan, chiqish qiyin bo‘lgan baland tog‘larda yashaydi. Ular o‘rtacha 15-17 yil umr ko‘radi va yilda 1-2-marta bolalaydi.
“Hisor” davlat qo‘riqxonasi bu jonivorlarning doimiy maskanidir. Sibir tog‘ echkisi Ekologiya vazirligi tomonidan doimiy muhofazaga olingan.
Fotoqopqonga muhrlangan noyob hayvonlar
Sentyabr oxirlarida “Zomin” davlat qo‘riqxonasiga o‘rnatilgan fotoqopqonga “Archa maydon” hududida sayr qilib yurgan ona-bola Turkiston silovsini tushib qolgani ma’lum bo‘lgan edi. 2022-yilning oktyabr oyida “Surxon” davlat qo‘riqxonasiga o‘rnatilgan fotoqopqonga manul tushib qolgandi. Shuningdek, “Hisor” davlat qo‘riqxonasi qo‘riqlash xodimlari tomonidan o‘rnatilgan fotoqopqon obyektiviga Turkiston silovsini, “Chotqol” davlat biosfera qo‘riqxonasida esa qor qoploni muhrlangani to‘g‘risida xabar berilgandi.
Izoh (0)