Тошкент шаҳар Юнусобод туманида Қизил китобга киритилган ноёб қушни сақлаб келган фуқаро аниқланди. Бу ҳақда Тошкент шаҳар Экология, атроф-муҳитни муҳофаза қилиш ва иқлим ўзгариши бошқармаси хабар берди.
Маълум қилинишича, 6 декабрь куни давлат инспекторлари томонидан Юнусобод тумани бўйлаб навбатдаги назорат рейд тадбирлари ўтказилган. Тадбирлар мобайнида, туманнинг “Собиробод” МФЙ ҳудуди 9-мавзесида истиқомат қилувчи фуқаро Ҳ.Ш. Қизил китобга киритилган бир бош йиртқич лочинни ноқонуний сақлаб келаётгани аниқланган.
Аниқланган ҳолат бўйича ушбу қуш давлат инспектори томонидан далолатнома тузилган ҳолда олиб қўйилган, ҳозирги вақтда ҳайвонот боғининг қушлар бўлимига топшириш ишлари олиб борилмоқда.
.jpg)
Шунингдек, амалдаги қонунчиликка мувофиқ фуқаро Ҳ.Ш.га нисбатан Маъмурий жавобгарлик тўғрисидаги кодекснинг тегишли қисмига асосан чора кўрилишини маълум қиламиз, — дейилади хабарда.
Апрель охирларида Сурхондарёда хорижлик овчи Қизил китобга киритилган эчкини овлагани юзасидан изоҳ берилган, Қашқадарёда эса Қизил китобга киритилган айиқ отиб ўлдирилгани юзасидан жиноят иши қўзғатилган эди. Тошкентда Қизил китобга киритилган қушларнинг ноқонуний савдосига чек қўйилган, Фарғонада бўри болалари неча пулдан сотилгани маълум бўлганди. Сирдарёда Қизил китобга киритилган саккизта лочинни 280 млн сўмга сотишга уринган шахслар ушланган.
Изоҳ (0)