Agar Ukrainadagi urush muzlatilsa, Rossiyaga o‘zini tiklab olishi va qo‘shinlarini NATO bilan to‘g‘ridan-to‘g‘ri to‘qnashuvga tayyorlashi uchun olti yildan o‘n yilgacha vaqt kerak bo‘ladi. Bu haqda “Germaniya tashqi siyosat jamiyati” (DGAP) tahlil markazi xabar berdi.
Markaz tomonidan olib borilgan tadqiqot nemis harbiy va razvedka manbalaridan olingan ma’lumotlarga asoslangan.
“Ukrainadagi deyarli ikki yillik urushdan keyin ham Rossiyaning harbiy salohiyati hozirgi ko‘rinishidan yuqori. Odamlar va texnikaning eng katta yo‘qotishlarini quruqlikdagi qo‘shinlar ko‘rgan”, — deydi tahlilchilar.
Mutaxassislarning ta’kidlashicha, Moskva tezda harbiy salohiyatini oshiradi, shuning uchun NATOga ham o‘z imkoniyatlarini oshirish va to‘g‘ridan-to‘g‘ri yoki bilvosita konfliktning oldini olish uchun 5-9 yil bor. Rossiya, ehtimol, Boltiqbo‘yi mamlakatlariga tajovuz qiladi, deydi nemis tahlilchilari.
“Masalan, Boltiqbo‘yida hujum muvaffaqiyatli bo‘lishi mumkin degan taassurot paydo bo‘lganida, Rossiyaning ehtimoliy hujumi uchun oyna ochiladi. Rossiya o‘z armiyasini qayta tiklash uchun kerak bo‘lgan vaqt NATOning harbiy kuchini oshirish sur’atini belgilab berishi kerak. Blok Rossiya hujumini kamida o‘n yil ichida qaytara olishi kerak, yaxshisi olti yil ichida”, — deyiladi tadqiqotda.
Ma’lumot o‘rnida, Ukraina prezidenti Vladimir Zelenskiy bir necha bor hukumat urushni muzlatish ssenariysiga rozi bo‘lmasligini, chunki bu kelajakda yangi urushga olib kelishini ta’kidlagan.
Izoh (0)