Rossiya G‘azo sektori aholisi uchun 10-noyabr kuni yana gumanitar yordam yubordi. Bu haqda mamlakat Favqulodda vaziyatlar vazirligi matbuot xizmati xabar berdi.
Mintaqadagi vaziyat keskinlashganidan so‘ng, Rossiya tomonidan G‘azo sektoriga yuborilayotgan gumanitar yordamning to‘rtinchi partiyasidir. Bu galgi insonparvarlik yordami 25 tonna bo‘lib, u oziq-ovqat mahsulotlari, shaxsiy gigiyena vositalari, ixcham pechlar va qalin yoping‘ichlardan iborat.
Ushbu yordam yuklari ortilgan samolyot Misr aeroportiga uchib ketgan. U yerda gumanitar yordam Misr Qizil yarim oy jamiyati vakillariga beriladi. Ular esa G‘azo sektori aholisiga yo‘naltiradi.
3-noyabr kuni Rossiya Favqulodda vaziyatlar vazirligi samolyoti oziq-ovqat, dori-darmon va yaradorlar uchun gemostatik vositalar va yaradorlarni bog‘lash uchun materiallarni o‘z ichiga olgan 55 tonna yukni yetkazib bergandi. 5-noyabr kuni jami 60 tonna gumanitar yordam yuklangan ikkita maxsus bort yuborilgandi.
Izoh (0)