“KAFOLAT sug‘urta kompaniyasi” AJ 2023-yilning to‘qqiz oyida o‘z faoliyatida ajoyib natijalarni ko‘rsatdi, bu esa O‘zbekiston sug‘urta bozori muvaffaqiyatli rivojlanayotganidan dalolat beradi. Shu vaqt ichida kompaniya o‘z faoliyatining turli jabhalarida sezilarli o‘sishga erishdi.
To‘qqiz oy davomida jami sug‘urta mukofotlari yig‘imi 539 milliard so‘mni tashkil etib, 2022-yilning shu davriga nisbatan 211% ga o‘sdi. Ushbu o‘sish mijozlarning kompaniyaga bo‘lgan ishonchini va sug‘urta xizmatlari samarali taqdim etilayotganini anglatadi.
Shuni ham taʼkidlash joizki, “KAFOLAT sug‘urta kompaniyasi” AJ 400,4 mlrd. so‘m miqdoridagi yalpi qayta sug‘ urta mukofotlarini to ʼplab, qayta sug‘urtalash segmentini muvaffaqiyatli rivojlantirmoqda. Bu ko‘rsatkich 2022-yilga nisbatan 114,0 foizga oshgan. Bu kompaniyaning qayta sug‘urtalash sohasidagi ishonchliligi va professionalligining yuqori darajasidan dalolat beradi.
Kompaniya Allianz SE, Hannover Re (Germaniya), Zurich Insurance Group (Shveytsariya), SCOR SE, AXA (Fransiya), People Insurance Company of China, China Re (Xitoy), Korean Reinsurance Company (Koreya), Marsh (AQSH), AON, UIB, Willis Towers Watson, Consilium Insurance Brokers Ltd. (Buyuk Britaniya) kabi taniqli transmilliy va global qayta sug‘urta kompaniyalari va brokerlari bilan qayta sug‘urtalash shartnomalariga ega.
Sug‘urta kompaniyalari faoliyatining muhim qismi jismoniy shaxslarni sug‘urta qilishdir. Ushbu segmentda ham “KAFOLAT sug‘urta kompaniyasi” AJ ajoyib natijalarni ko‘rsatib, 35,3 milliard so‘mlik sug‘urta mukofotlarini yig‘di. Bu ko‘rsatkich o‘tgan yilning shu davriga nisbatan 127,4 foizga o‘sgan. Kompaniya jismoniy shaxslarni ishonchli himoya bilan taʼminlab, sug‘urta bozoridagi o‘z o‘rnini mustahkamlashda davom etmoqda.
Shuningdek, kompaniya tomonidan 3700 dan ortiq sug‘urta daʼvolari muvaffaqiyatli ko‘rib chiqilib, 88,7 milliard so‘mdan ortiq sug‘urta to‘lovlari to‘landi. Bu kompaniyaning yuqori darajadagi masʼuliyati va qiyin paytlarda o‘z mijozlariga yordam berishga tayyorligini ko‘rsatadi.
“KAFOLAT sug‘urta kompaniyasi” AJ ISO 9001:2015 xalqaro sifat standartlarini joriy etish bo‘yicha ko‘p yillik tajribaga ega bo‘lib, bu kompaniyaga yuqori darajadagi xizmat ko‘rsatish evaziga mijozlar ishonchini qozonish imkonini beradi. Kompaniya, shuningdek, to‘lov qobiliyati va ishonchliligi, shuningdek, qimmatli qog‘ozlarining jozibadorligi bo‘yicha yuqori reytinglarni oldi. “Standart and Sensetive Ratings” milliy reyting agentligi kompaniyaga “(uz)AAA, ijobiy prognoz» reytingini berdi.
2023-yil 31-oktabr kuni “Fitch Ratings” xalqaro agentligi “KAFOLAT sug‘urta kompaniyasi” AJning moliyaviy barqarorlik reytingini “B+” darajasida qayta tasdiqladi. Reyting prognozi “Barqaror”. “B+” reytingi “KAFOLAT sug‘urta kompaniyasi” AJning moliyaviy barqarorligi, mijozlar va hamkorlar oldidagi majburiyatlarini to‘liq va mukammal bajarish qobiliyatiga ega ekanligini ko‘rsatadi.
“KAFOLAT sug‘urta kompaniyasi” AJ O‘zbekiston sug‘urta kompaniyalari orasida birinchi bo‘lib “Lloydʼs” bozoriga (London, Buyuk Britaniya) chiqdi.
Shuningdek, kompamiya IUA’ning (Underwriting accociation of London) assotsiatsiyalangan aʼzosi hisoblanadi.
Kompaniya 15 ta filial, 60 ta bo‘linma va 140 ta sug‘urta markazlarini o‘z ichiga olgan keng hududiy tarmoqqa ega. “KAFOLAT sug‘urta kompaniyasi” AJ barcha sug‘urta klasslari bo‘yicha litsenziyaga ega bo‘lib, jismoniy va yuridik shaxslar uchun 110 dan ortiq majburiy va ixtiyoriy sug‘urta turlarini taqdim etadi.
Sug‘urta mukofotlarni yig‘ish, qayta sug‘urtalash va mijozlarga xizmat ko‘rsatish sohasidagi yuqori natijalar kompaniyaning o‘z mijozlarini ishonchli himoya qilish qobiliyatiga ega ekanligini namoyish etadi.
Izoh (0)