Internet tarmoqlarda Chevrolet avtomobillari uchun shartnoma tuzish bilan bog‘liq bir nechta tasdiqlanmagan va provokatsion materiallar keng tarqaldi. Xususan, Telegram da D.K ismli xaridor tomonidan shartnoma tuzilgan avtomobillar ro‘yxati (kamida 10 dona) aks etgan surat ham joylangan.
Ushbu holat yuzasidan UzAutoMotors shuni maʼlum qiladiki, joriy yilning 3-noyabr sanasida ushbu suratda ismi keltirilgan fuqaro bilan Chevrolet avtomobilini sotib olish bo‘yicha hech qanday shartnoma tuzilmagan.
Bundan tashqari, 3-noyabr kuni shartnomalar Chevrolet Lacetti ning faqat L-Stile AT Plus modeli uchun mavjud bo‘lgan. Ammo, rasmda bir vaqtning o‘zida Lacetti avtomobillarining kamida 4 ta komplektatsiyasi, shu jumladan, mexanik uzatmalar qutisi bilan jihozlangan modelini ham ko‘rish mumkin.
Bir qator Telegram kanallarda ham 28—30-oktyabr kunlari avtomobil ishqibozlari o‘rtasida tushunmovchilik keltirib chiqarishga urinish holatlari kuzatilgan edi. Internet tarmoqlarda 30-oktyabrdan boshlab ommabop avtomobillar sotuvi boshlangani haqida xabarlar tarqaldi, bu esa aholining Chevrolet dilerlik markazlarida shartnoma ochilmasdan avval sababsiz to‘planishga olib keldi.
Mazkur soxta maʼlumotga qo‘shimcha ravishda, shu kunlarda aholi o‘rtasida avtomobillar shartnomalari tuzish bilan bog‘liq shov-shuvlarni ko‘tarishga urinish holatlari ham kuzatildi. Bunga misol tariqasida, go‘yoki dilerlik markazi xodimlari yopiq eshiklar ortidan avtomobil sotib olish bo‘yicha 50 ta shartnoma tuzganligi aks etgan videoyeasvirlarning keng tarqalganini ham keltirish mumkin.
Ushbu video bo‘yicha shuni taʼkidlamochimizki, Chevrolet avtosalonlari bilan bog‘liq mazkur hodisa bir necha muddat avval sodir etilgan bo‘lib, joriy yilning noyabr oyida ommabop avtomobillar uchun ochilgan shartnomalarga aloqasi yo‘q, buni video tasvirlardagi aholining hozirgi mavsumga mos kiyimda emasliklarida bilish mumkin.
UzAutoMotors bunday holatlarga juda jiddiy yondashadi hamda kompaniyaga ushbu hodisa to‘g‘risidagi maʼlumot kelib tushishi bilanoq, ushbu dilerlik markazida shartnoma tuzish tizimi darhol uzilgan. Bundan tashqari, ushbu salon rahbariyatiga nisbatan intizomiy va jazo choralari qo‘llanildi.
Eslatib o‘tamiz, agar siz har qaysi Chevrolet dilerlik markazlarida bu kabi holatlarga guvoh bo‘lsangiz yoki qonunga zid xatti-harakatlarni sezsangiz, darhol kompaniyaning rasmiy aloqa kanallari orqali xabar berishingizni so‘raymiz. Shundagina bunday muammolarni bartaraf etishimiz, ularning faoliyatida halollik va oshkoralikni taʼminlash bo‘yicha samarali choralar ko‘rishimiz mumkin.
Call-markaz:+99878 141 7777
Qayta aloqa boti: @UzAutoOnlineBot
Hurmatli mijozlar, Chevrolet avtomobillari uchun kontraktatsiya boshlangani haqidagi maʼlumotlarni faqat rasmiy kanallardan olishingizni so‘raymiz! Sotuv boshlanganligi to‘g‘risida va boshqa maʼlumotlarni UzAutoMotors ning rasmiy kanallaridan olishingiz mumkin:Veb-sayt, Instagram ,Facebook.
Izoh (0)