O‘zbekistonda stadion va futbol maydonlaridan sport faoliyati bilan bog‘lik bo‘lmagan boshqa maqsadlarda foydalanish taqiqlanadi. Bu haqda “Futbol-taʼlim muassasalari tarmog‘ini kengaytirish hamda xalqaro standartlarga mos keladigan futbol infratuzilmasini rivojlantirish chora-tadbirlari to‘g‘risida”gi prezident qarorida belgilandi.
Qarorga ko‘ra, 2023-yil 31-dekabr qadar hududlardagi barcha stadion va futbol maydonlari xatlovdan o‘tkazilib, taʼlim va sport tashkilotlari hamda egasi nomaʼlum stadion va futbol maydonlari sport faoliyati bilan bog‘lik bo‘lmagan boshqa maqsadlarda foydalanish taqiqlanadi hamda ularni taʼmirlash va maqsadli foydalanilishi tashkil etiladi.
2024/2025-o‘quv yilidan boshlab mini-futbol infratuzilmalari mavjud taʼlim tashkilotlarida sport seksiyalari faoliyatini, ular o‘rtasida tizimli musobaqalar o‘tkazilish yo‘lga qo‘yiladi.
2024—2025-yillar davomida Futbol mutaxassislarini tayyorlash va ilmiy-tadqiqot markazi tomonidan taʼlim tashkilotlarining jismoniy tarbiya o‘qituvchilari uchun mini-futbol bo‘yicha qisqa muddatli kurslar tashkil etiladi.
2025-yildan boshlab taʼlim tashkilotlarini yangidan qurish, rekonstruksiya qilishda mini-futbol maydonlari tashkil qilinishi inobatga olinadi hamda zarur mablag‘lar ajratilishi nazarda tutiladi.
Izoh (0)