“Mehridaryo” loyihasiga Sirdaryo viloyatida yashovchi Dildora Abdusamatova murojaat qilib, bemor farzandini davolash uchun xalqdan yordam so‘radi.
— Kenja qizim Odinabonu Abdulhamidova 10 yildan buyon irsiy kamqonlik kasali bilan og‘riydi. Vaqti-vaqti bilan uni Respublika qon quyish markaziga olib borib, davolatamiz. Keyingi vaqtlarda qizimning qorin sohasida ham kuchli og‘riqlar paydo bo‘lyapti. Shifokorlar tekshirib bolamning o‘t qopidagi toshlar bezovta qilayotganini aniqlashdi. Ular agar og‘riqlar zo‘raysa, o‘t qopini jarrohlik yo‘li bilan olib tashlash kerak, deyishyapti. Ammo operatsiya uchun bizda yetarli mablag‘ yo‘q. Turmush o‘rtog‘im ham 17 yildan buyon bel sohasida 3 ta grijasi bezovta qiladi, shuningdek, 2-guruh nogironi.
Shifokorlar qizimga ilik ko‘chirib o‘tkazishni tavsiya qilishyapti. Ammo bunga umuman mablag‘imiz yo‘q. Yaqinda qizimni kasalxonaga yotqizgandim. Ammo mablag‘imiz yo‘qligi uchun oxirigacha muolajalarni ololmay, uyga qaytarib olib kelishga majbur bo‘ldim.
Sahovatpesha insonlar, qizimni operatsiya qildirish uchun qo‘lingizdan kelgancha yordam beringlar. Hech bir insonni farzandi bilan sinamasin ekan, — deydi bemorning onasi Dildora Abdusamatova.
Odinabonu Abdulhamidovaga xayriya qilishni istasangiz,
8600 0417 5774 5667 (Abdusamatova Dildora)
Murojaat uchun: +998 99 494-94-80
Izoh (0)