“Bolalarim hali kichkina, kasallik esa meni ado qilyapti” — samarqandlik bemor yaxshilar yordamiga muhtoj

“Mehridaryo” loyihasiga Samarqand viloyati Payariq tumanida yashovchi Baxtiyor Nurmatov murojaat qilib, davolanishi uchun xalqdan yordam so‘radi.

— 32 yoshimda buyon jigar sirrozi kasalligi bilan og‘riyman. Ikki nafar voyaga yetmagan farzandim bor. Qornim va oyoqlarim shishib ketgani uchun harakatlanishim ham qiyin. Kuchli charchoq va og‘riqlar sabab, bir necha yildan buyon muqim ishlolmayapman. Shifokorlar Hindistonda operatsiya qildirish kerak deyishdi.

Ammo unga mablag‘imiz yo‘q. Kichkinagina uyda turamiz. Qishloq sharoitida yashaganimiz uchun qarindosh-urug‘larim ham moddiy jihatdan ko‘mak berisholmaydi. Hozir faqat ayolim kunlik ishlarda ishlab ro‘zg‘or tebratyapti. Oladigan nafaqa pulim ham u qadar ko‘p emas. Shu bois xalqqa murojaat qilib, yordam so‘rashga majbur bo‘ldim. Kech oila qurib farzandli bo‘lganman. Shu bolalarimning to‘yini ko‘rishni orzu qilaman. Yaxshi insonlar davolanishim uchun ko‘mak beringlar. Bolalarim hali kichkina, kasallik esa meni ado qilyapti, — deydi bemor Baxtiyor Nurmatov.

Baxtiyor Nurmatovga xayriya qilishni istasangiz,

8600 0610 1949 2478 (Nurmatov Bakhtiyor)

Murojaat uchun: +998 88 286 86 09