“Меҳридарё” лойиҳасига Сирдарё вилоятида яшовчи Дилдора Абдусаматова мурожаат қилиб, бемор фарзандини даволаш учун халқдан ёрдам сўради.
— Кенжа қизим Одинабону Абдулҳамидова 10 йилдан буён ирсий камқонлик касали билан оғрийди. Вақти-вақти билан уни Республика қон қуйиш марказига олиб бориб, даволатамиз. Кейинги вақтларда қизимнинг қорин соҳасида ҳам кучли оғриқлар пайдо бўляпти. Шифокорлар текшириб боламнинг ўт қопидаги тошлар безовта қилаётганини аниқлашди. Улар агар оғриқлар зўрайса, ўт қопини жарроҳлик йўли билан олиб ташлаш керак, дейишяпти. Аммо операция учун бизда етарли маблағ йўқ. Турмуш ўртоғим ҳам 17 йилдан буён бел соҳасида 3 та грижаси безовта қилади, шунингдек, 2-гуруҳ ногирони.
Шифокорлар қизимга илик кўчириб ўтказишни тавсия қилишяпти. Аммо бунга умуман маблағимиз йўқ. Яқинда қизимни касалхонага ётқизгандим. Аммо маблағимиз йўқлиги учун охиригача муолажаларни ололмай, уйга қайтариб олиб келишга мажбур бўлдим.
Саҳоватпеша инсонлар, қизимни операция қилдириш учун қўлингиздан келганча ёрдам беринглар. Ҳеч бир инсонни фарзанди билан синамасин экан, — дейди беморнинг онаси Дилдора Абдусаматова.
Одинабону Абдулҳамидовага хайрия қилишни истасангиз,
8600 0417 5774 5667 (Абдусаматова Дилдора)
Мурожаат учун: +998 99 494-94-80
Изоҳ (0)