“Mehridaryo” loyihasiga Qashqadaryo viloyati, Kasbi tumanida yashovchi Lobar Qodirova murojaat qilib, turmush o‘rtog‘ini davolatish uchun xalqdan yordam so‘radi.
— Turmush o‘rtog‘im Erkin Usmonov 1986-yil tug‘ilgan. U bilan oila qurib, uch o‘g‘il farzandli bo‘lganmiz. 2013-yil turmush o‘rtog‘imda jigar sirrozi aniqlandi. 10 yil davomida kasallikni davolashga harakat qildik. Ammo samara bo‘lmadi.
Shifokorlarning aytishicha, kasallikni davolashning yagona chorasi jigar ko‘chirib o‘tkazish operatsiyasi ekan. Tahlil natijalarini hind shifokorlariga ko‘rsatganimizda, “Davolashning imkoni bor. Bemorni zudlik bilan Hindistonga olib kelinglar”, deyishdi.
Ammo xorijda o‘tkaziladigan operatsiya 23-25 ming AQSh dollariga o‘tkazilar ekan. Qo‘shimchasiga yo‘l puli va u yerda yashash pullarini ham to‘plashimiz kerak. Ammo bizda buncha mablag‘ yo‘q. Qarindoshlarimdan olgan taqdirimda ham uzog‘i 3-4 ming AQSh dollarini to‘play olaman, xolos. Qaynonam ham uzoq yillar ko‘krak saratoni bilan kurashgan. Ikkita qaynim ham moliyaviy jihatdan bizga yordam berolmaydi. Uch nafar o‘g‘limning baxtiga turmush o‘rtog‘im sog‘ayib ketishini xohlayman.
Shu bois, xalqdan yordam so‘rashga majbur bo‘ldim. Yaxshi insonlar sizlarning yordamingiz bilan turmush o‘rtog‘im sog‘ayib, avvalgidek hayotga qaytsa ajab emas. Hozir ahvoli nihoyatda og‘ir. Qorni shishib, umuman harakatlana olmay qoladi. Qornidan suv oldiramiz, ammo u chekayotgan azobni so‘z bilan tasvirlab berolmayman, — deydi bemorning turmush o‘rtog‘i Lobar Qodirova.
Erkin Usmonovga xayriya qilishni istasangiz,
8600 0424 7621 3078 (Usmonov Erkin XXX)
Murojaat uchun: +998 99 527 90 06
Izoh (0)