Andijon viloyati prokuraturasi ijtimoiy tarmoqlarda tarqalgan ruhiy kasalliklar shifoxonasida bemorning kaltaklangani tasvirlangan videoga munosabat bildirdi.
Ma’lum qilinishicha, 27-oktyabrdan 28-oktyabrga o‘tar kechasi “Andijon viloyat ruhiy sog‘liqni saqlash” dispanseri kichik tibbiy xodimi U.SH. bemor M.S.ga qo‘pol munosabatda bo‘lgan.
Mazkur holat yuzasidan tibbiyot muassasasi tomonidan o‘rganish o‘tkazilib, 28-oktyabrda 166-sonli buyruqqa asosan fuqaro U.SH. bilan tuzilgan mehnat shartnomasi bekor qilingan.
Hozirda ushbu holat yuzasidan Andijon shahar IIB tomonidan tergovga qadar tekshiruv harakatlari olib borilmoqda.
“Tekshiruv harakatlari viloyat prokuraturasi tomonidan nazoratga olingan”, — deyiladi xabarda.
Surxondaryo viloyati Muzrabot tumanida may oyida ichki ishlar xodimi unga qarshilik ko‘rsatgan mast erkakning qo‘llarini bog‘lab qo‘ygani to‘g‘risida xabar berilgandi. Viloyat prokuraturasi tomonidan holat bo‘yicha jinoyat ishi qo‘zg‘atilgan edi.
Izoh (0)