Андижон вилояти прокуратураси ижтимоий тармоқларда тарқалган руҳий касалликлар шифохонасида беморнинг калтаклангани тасвирланган видеога муносабат билдирди.
Маълум қилинишича, 27 октябрдан 28 октябрга ўтар кечаси “Андижон вилоят руҳий соғлиқни сақлаш” диспансери кичик тиббий ходими У.Ш. бемор М.С.га қўпол муносабатда бўлган.
Мазкур ҳолат юзасидан тиббиёт муассасаси томонидан ўрганиш ўтказилиб, 28 октябрда 166-сонли буйруққа асосан фуқаро У.Ш. билан тузилган меҳнат шартномаси бекор қилинган.
Ҳозирда ушбу ҳолат юзасидан Андижон шаҳар ИИБ томонидан терговга қадар текширув ҳаракатлари олиб борилмоқда.
“Текширув ҳаракатлари вилоят прокуратураси томонидан назоратга олинган”, — дейилади хабарда.
Сурхондарё вилояти Музработ туманида май ойида ички ишлар ходими унга қаршилик кўрсатган маст эркакнинг қўлларини боғлаб қўйгани тўғрисида хабар берилганди. Вилоят прокуратураси томонидан ҳолат бўйича жиноят иши қўзғатилган эди.
Изоҳ (0)