Saffir-Simpson shkalasi bo‘yicha beshinchi toifaga kiruvchi “Otis” dovulining Meksika orqali o‘tishi oqibatida kamida 27 kishi halok bo‘ldi.
Bu haqda jamoat xavfsizligi va fuqarolarni himoya qilish vaziri Roza Isela Rodriges ma’lum qildi.
“Gerrero shtati meriyasi xabarlariga ko‘ra, 27 kishi halok bo‘lgan va to‘rt nafar bedarak yo‘qolgan, biz vaziyatni nazoratga olishga harakat qilyapmiz”, — dedi u matbuot anjumanida.
“Otis” to‘foni kechasi Akapulko shahri yaqiniga yetib keldi. Qayd etilishicha, to‘fon vaqtida shamolning maksimal tezligi 75 m/s ga yetgan.
Oktyabr oyi boshida Tayvanda “Koinu” to‘foni tufayli 100 ga yaqin reyslar bekor qilinib, maktablar yopilgan, bir qator okruglarda muassasalar ishi to‘xtatilgan va parom qatnovi cheklangandi.
Izoh (0)