Falastinning HAMAS harakati vakillari Moskvaga tashrif buyurdi. Bu haqda Rossiya Tashqi ishlar vazirligiga tayanib, “RIA Novosti” xabar berdi.
Ma’lum qilinishicha, delegatsiyaga HAMAS siyosiy byurosi aʼzosi Abu Marzuk boshchilik qilmoqda.
“Aytishim va tasdiqlashim mumkinki, Falastinning tegishli harakati vakillari Moskvaga tashrif buyurgan”, — dedi TIV matbuot kotibi Mariya Zaxarova.
HAMAS Siyosiy byurosi rahbari “Rossiya va Xitoyning BMT Xavfsizlik kengashidagi pozitsiyasini va Yaqin Sharqdagi vaziyat bo‘yicha AQSH rezolyutsiyasiga veto qo‘yishini yuqori baholagan”.
AQSH taklif etgan rezolyutsiyada HAMASning Isroilga hujumi qoralanadi, shuningdek, garovga olinganlarni ozod qilish va xalqaro gumanitar qonunlarga rioya qilishga chaqiriladi. Hujjat o‘t ochishni to‘xtatishga chaqirmaydi, balki mamlakatlarning o‘zini himoya qilish huquqini tan oladi, deb yozadi agentlik.
HAMAS delegatsiyalari muntazam ravishda Moskvaga tashrif buyuradi. Bu Yaqin Sharqda keskinlik kuchayganidan beri birinchi tashrif bo‘ldi. Isroil ma’lumotlariga ko‘ra, hujumlarda 23 nafar Rossiya fuqarosi halok bo‘lgan.
Izoh (0)