O‘zbekistonda “Banklarni sanatsiya qilish va tugatish to‘g‘risida”gi qonun ishlab chiqildi

Markaziy bank tomonidan jamoatchilik muhokamasi uchun “Banklarni sanatsiya qilish va tugatish to‘g‘risida”gi qonun loyihasi e’lon qilindi.

Ushbu qonun 6 bob, 71 moddadan iborat bo‘lib, uning maqsadi banklarni sanatsiya qilish va tugatish bilan bog‘liq munosabatlarni tartibga solishdan iborat.

“2020— 2025-yillarga mo‘ljallangan o‘zbekiston respublikasining bank tizimini isloh qilish strategiyasi to‘g‘risida”gi prezident farmonida banklarni sanatsiya qilish mexanizmini ishlab chiqish belgilangandi. Unda Jahon banki ekspertlarini jalb qilish hamda banklarni sanatsiya qilish mexanizmini tashkil etish bo‘yicha xorijiy tajribani o‘rganish topshirilgandi.

Shuningdek, Xalqaro moliya institutlari ekspertlari bilan hamkorlikda “Banklarni sanatsiyalash to‘g‘risida”gi qonun loyihasini ishlab chiqish, uni mutaxassislar, ilmiy xodimlar va ekspertlar hamjamiyati bilan muhokama qilish va loyihani Vazirlar Mahkamasiga kiritish belgilangandi.

Ushbu qonun loyihasi muhokamasi 31-oktyabrga qadar davom etadi.