O‘qituvchi qattiq do‘pposlangani haqidagi ijtimoiy tarmoqlarda tarqalgan videoxabar Farg‘ona viloyati IIB tomonidan o‘rganib chiqildi.
Aniqlanishicha, 21-oktyabr kuni Dang‘ara tumani “Pishqaron” MFYda joylashgan baliqxona yonida fuqaro M.M. tanishi D.T. (videoxabardagi shaxs) bilan o‘rtalarida bo‘lgan pul oldi-berdisi masalasida o‘zaro gap talashib, janjallashib ketgan.
Natijada M.M. D.T.ning yuz va bosh qismiga urib, tan jarohati yetkazgan. Hodisa joyiga Dang‘ara tuman IIB xodimlari yetib borgan hamda holat tegishli tartibda ro‘yxatga olingan.
Videoxabarda keltirilgan M.M.ning IIO xodimi J.T.ga qarindoshligi aniqlanmagan.
Hozirda tergovga qadar tekshiruv harakatlari olib borilmoqda. Mazkur holat viloyat IIB rahbariyati tomonidan alohida nozoratga olingan. Yakuniga ko‘ra qonun ustuvorligi, jazo muqarrarligi ta’minlanadi.
Izoh (0)