“Болаларим ҳали кичкина, касаллик эса мени адо қиляпти” — самарқандлик бемор яхшилар ёрдамига муҳтож 

“Меҳридарё” лойиҳасига Самарқанд вилояти Пайариқ туманида яшовчи Бахтиёр Нурматов мурожаат қилиб, даволаниши учун халқдан ёрдам сўради.

— 32 ёшимда буён жигар циррози касаллиги билан оғрийман. Икки нафар вояга етмаган фарзандим бор. Қорним ва оёқларим шишиб кетгани учун ҳаракатланишим ҳам қийин. Кучли чарчоқ ва оғриқлар сабаб, бир неча йилдан буён муқим ишлолмаяпман. Шифокорлар Ҳиндистонда операция қилдириш керак дейишди.

Аммо унга маблағимиз йўқ. Кичкинагина уйда турамиз. Қишлоқ шароитида яшаганимиз учун қариндош-уруғларим ҳам моддий жиҳатдан кўмак беришолмайди. Ҳозир фақат аёлим кунлик ишларда ишлаб рўзғор тебратяпти. Оладиган нафақа пулим ҳам у қадар кўп эмас. Шу боис халққа мурожаат қилиб, ёрдам сўрашга мажбур бўлдим. Кеч оила қуриб фарзандли бўлганман. Шу болаларимнинг тўйини кўришни орзу қиламан. Яхши инсонлар даволанишим учун кўмак беринглар. Болаларим ҳали кичкина, касаллик эса мени адо қиляпти, — дейди бемор Бахтиёр Нурматов.

Бахтиёр Нурматовга хайрия қилишни истасангиз,

8600 0610 1949 2478 (Нурматов Бакҳтиёр)

Мурожаат учун: +998 88 286 86 09