Mirzo Ulug‘bek, Shayxontohur va Chilonzor tumanlarining ayrim hududlarida 18 va 19-oktyabr kunlari issiq suv taʼminoti vaqtincha to‘xtatiladi. Bu haqda Veolia Energy Tashkent kompaniyasi xabar berdi.
Qayd etilishicha, issiqlik tarmoqlarida avariyaviy ishlar olib borilishi va tegishli jihozlarni almashtirish munosabati bilan quyidagi manzillarda issiq suv taʼminoti vaqtincha to‘xtatiladi:
- Mirzo-Ulug‘bek tumani — Oqqo‘rg‘on, U.Sultonova, Salar, Mustaqillik, K.Niyozov ko‘chalari, X.Olimjon maydoni, Irrigator dahasi.
Issiq suv taʼminoti taʼmirlash ishlari tugallanishi bilanoq (bugun soat 16:00 gacha) tiklanadi.
- Shayxontohur tumani — Qo‘ratosh, Chorsu va Beshyog‘och dahalari;
- Chilonzor tumani — Olmazor dahasi.
Issiq suv taʼminoti taʼmirlash ishlari tugallanishi bilanoq (ertaga 19-oktabr soat 13:00 gacha) tiklanadi.
Veolia Energy Tashkent MCHJ XK vaqtinchalik noqulayliklar uchun oldindan uzr so‘raydi va issiq suv taʼminotini tezroq tiklash uchun barcha zarur choralarni ko‘radi.
Avvalroq Toshkentning Yashnobod tumanida tarmoq quvurlarini o‘tkazish ishlari yo‘l qatnovining maʼlum qismi yopilgan holda o‘tkazilishi to‘g‘risida xabar berilgandi. Shuningdek, Mirobod tumanining ayrim ko‘chalarida issiq suv taʼminoti bir necha kun davomida bo‘lmasligi aytilgan edi. Bunga Nukus—Oybek ko‘chasi kesishmasida joylashgan issiq suv quvurlarida 7-oktyabr kuni avariya holati yuz bergani sabab bo‘lmoqda.
Izoh (0)