Yunusobod va Olmazor tumanlarining ayrim joylarida issiq suv taʼminoti vaqtincha to‘xtatiladi. Bu haqda Veolia Energy Tashkent xabar berdi.
Ma’lum qilinishicha, bugun, 3-oktyabr kuni isitish magistralidagi nosozliklarni bartaraf etish va tegishli jihozlarni almashtirish bo‘yicha avariyaviy taʼmirlash ishlarini olib boriladi. Shu sababli quyidagi manzillarda issiq suv taʼminoti vaqtincha to‘xtatiladi:
- Yunusobod tumani — 13,14 va 17-mavzelar.
- Olmazor tumani — Gulsaroy ko‘chasi, Qoraqamish 1/4 dahasi.
Issiq suv taʼminoti favqulodda taʼmirlash ishlari tugashi bilanoq (soat 21:00 gacha) tiklanadi.
Veolia Energy Tashkent MCHJ XK vaqtinchalik noqulayliklar uchun oldindan uzr so‘raydi va issiq suv taʼminotini tezroq tiklash uchun barcha zarur choralarni ko‘radi.
Bundan oldin isitish mavsumiga tayyorgarlik doirasida taʼmirlash-profilaktika ishlari sabab Mirzo Ulug‘bek, Yashnobod, Bektemir tumanlarining qator manzillarida issiq suv taʼminoti vaqtincha to‘xtatilgandi.