Qirg‘iziston bojxona xizmatining 50 ga yaqin xodimi jinoiy doiralarga aloqadorligi tufayli ishdan bo‘shatildi. Ular 4-oktyabr kuni maxsus operatsiya paytida o‘ldirilgan jinoyat olamining yirik vakili Qamchibek Asanbek (Qamchi Ko‘lboyev) bilan aloqada bo‘lgani da’vo qilinmoqda.
Bu haqda Qirg‘iziston Milliy xavfsizlik davlat qo‘mitasi matbuot markazi xabar berdi.
Tekshiruv o‘tkazilib, Qamchibek Asanbek va bojxona raisining sobiq o‘rinbosari Raiybek Matraimovga aloqador bo‘lgan shaxslar aniqlandi.
“Milliy xavfsizlik davlat qo‘mitasi tomonidan davlat organlari va idoralaridagi nopok xodimlarni aniqlash va ularga chek qo‘yish ishlari davom ettiriladi. Yuqoridagi huquqbuzarliklarga aloqador boshqa xodimlar ham aniqlanmoqda”, — deyiladi Qirg‘iziston Milliy xavfsizlik davlat qo‘mitasi matbuot markazi xabarida.
Izoh (0)