Rossiya qo‘shinlarining Zaporojye shahriga bergan raketa zarbasi oqibatida besh qavatli turar joy binosining ikkita podyezdi vayron bo‘ldi. Bu haqda shahar kengashi kotibi Anatoliy Kurtev xabar bermoqda. Voqeada ikki kishi halok bo‘ldi.
Kurtevning so‘zlariga ko‘ra, yana uch kishi yaralangan, uyning to‘rt nafar fuqarosi bedarak yo‘qolganlar ro‘yxatida. Zaporojye viloyati rahbari Yuriy Malashko ham uch nafar yarador va ikki qurbon haqida ma’lum qildi.
Ukraina prezidenti Vladimir Zelenskiy Zaporojyedagi turar joy binosiga uyushtirilgan hujumni “rus terrori”ning ko‘rinishi deb atadi hamda “befarq qolmagan va uni yengishga yordam bergan barchaga” minnatdorlik bildirdi. Zelenskiy halok bo‘lganlarning oila a’zolari va yaqinlariga hamdardlik bildirib, “Rossiya terrori mag‘lub bo‘lishi kerak”ligini ta’kidladi.
Izoh (0)