Қирғизистон божхона хизматининг 50 га яқин ходими жиноий доираларга алоқадорлиги туфайли ишдан бўшатилди. Улар 4 октябрь куни махсус операция пайтида ўлдирилган жиноят оламининг йирик вакили Қамчибек Асанбек (Қамчи Кўлбоев) билан алоқада бўлгани даъво қилинмоқда.
Бу ҳақда Қирғизистон Миллий хавфсизлик давлат қўмитаси матбуот маркази хабар берди.
Текширув ўтказилиб, Қамчибек Асанбек ва божхона раисининг собиқ ўринбосари Раийбек Матраимовга алоқадор бўлган шахслар аниқланди.
“Миллий хавфсизлик давлат қўмитаси томонидан давлат органлари ва идораларидаги нопок ходимларни аниқлаш ва уларга чек қўйиш ишлари давом эттирилади. Юқоридаги ҳуқуқбузарликларга алоқадор бошқа ходимлар ҳам аниқланмоқда”, — дейилади Қирғизистон Миллий хавфсизлик давлат қўмитаси матбуот маркази хабарида.
Изоҳ (0)