Sog‘liqni saqlash vazirligining tegishli buyrug‘i bilan Abdumannop Abduqayumov Respublika ixtisoslashtirilgan pediatriya ilmiy-amaliy tibbiyot markazi direktori lavozimiga tayinlandi. Bu haqda SSV matbuot xizmati xabar berdi.
Abdumannop Abduqayumov 2001-yilda Birinchi Toshkent davlat tibbiyot institutining bakalavriat, 2004-yilda magistratura bosqichlarini tamomlagan.
Dastlabki ish faoliyatini xususiy klinikada otorinolaringolog shifokor sifatida boshlab, keyinchalik Toshkent pediatriya tibbiyot institutining “Otorinolaringologiya” kafedrasi katta ilmiy xodimi sifatida davom ettirgan.
Tibbiyot fanlari doktori Abdumannop Abduqayumov 2014-yildan tayinlovga qadar Respublika ixtisoslashtirilgan pediatriya ilmiy-amaliy tibbiyot markazi direktorining davolash ishlari bo‘yicha o‘rinbosari — bosh vrachi sifatida faoliyat ko‘rsatib kelayotgan edi.
Shu kungacha Dilorom Ahmedova markaz direktori lavozimida ishlab kelayotgan edi.
Izoh (0)