Соғлиқни сақлаш вазирлигининг тегишли буйруғи билан Абдуманноп Абдуқаюмов Республика ихтисослаштирилган педиатрия илмий-амалий тиббиёт маркази директори лавозимига тайинланди. Бу ҳақда ССВ матбуот хизмати хабар берди.
Абдуманноп Абдуқаюмов 2001 йилда Биринчи Тошкент давлат тиббиёт институтининг бакалавриат, 2004 йилда магистратура босқичларини тамомлаган.
Дастлабки иш фаолиятини хусусий клиникада оториноларинголог шифокор сифатида бошлаб, кейинчалик Тошкент педиатрия тиббиёт институтининг “Оториноларингология” кафедраси катта илмий ходими сифатида давом эттирган.
Тиббиёт фанлари доктори Абдуманноп Абдуқаюмов 2014 йилдан тайинловга қадар Республика ихтисослаштирилган педиатрия илмий-амалий тиббиёт маркази директорининг даволаш ишлари бўйича ўринбосари — бош врачи сифатида фаолият кўрсатиб келаётган эди.
Шу кунгача Дилором Аҳмедова марказ директори лавозимида ишлаб келаётган эди.
Изоҳ (0)