Toshkent viloyatining Zangiota tumanida yashovchi, qaynotasini o‘ldirgan erkak xotinini ham dahshatli tarzda kaltaklagani aytilgan xabar e’lon qilingandi. Oila va xotin-qizlar qo‘mitasi holat yuzasidan munosabat bildirib, ayol nazoratga olinganini bildirgandi. Toshkent viloyati hokimligi axborot xizmatining viloyat hokimi o‘rinbosari Zuhra Mirgaziyevaga tayanib, “Daryo”ga bildirishicha, holat yuzasidan jinoyat ishi qo‘zg‘atilgan.
.jpg)
Mazkur holat yuzasidan O‘zbekiston Respublikasi Ichki ishlar vazirligi, Toshkent viloyati hokimi o‘rinbosari, Oila va xotin-qizlar boshqarmasi boshlig‘i hamda Toshkent viloyati ichki ishlar boshqarmasi mas’ul xodimlari bilan birgalikda jabrlanuvchi holidan xabar olindi va holat yuzasidan jinoyat ishi qo‘zg‘atildi. Ayni paytda ayolning sog‘lig‘i tibbiyot xodimlari nazoratida, — deydi hokimlik axborot xizmati rahbari Bekzod Qobulov.
.jpg)
Qo‘shimcha qilinishicha, voqeadan shaxsan ichki ishlar vaziri Po‘lat Bobojonov ham xabardor qilinib, holat vazir nazoratiga olingan.
O‘zbekistonda xotin-qizlarni zulm va zo‘ravonlikdan himoyalovchi qonun kuchga kirdi.
O‘zbekistonda oilaviy yoki jinsiy zo‘ravonlik sodir etgan shaxslarni javobgarlikka tortishga doir qonun qabul qilindi. Endilikda zo‘ravonlarga nisbatan jazo choralari ularning qilmishidan kelib chiqib belgilanadi. Shavkat Mirziyoyev xotin-qizlar va bolalar huquqlari, erkinliklari hamda qonuniy manfaatlarini himoya qilish tizimini takomillashtirishga doir qonunni imzoladi.
Hujjat asosida Jinoyat va Maʼmuriy javobgarlik to‘g‘risidagi kodekslarning tegishli moddalariga o‘zgartirish va qo‘shimchalar kiritiladi.
Izoh (0)