Тошкент вилоятининг Зангиота туманида яшовчи, қайнотасини ўлдирган эркак хотинини ҳам даҳшатли тарзда калтаклагани айтилган хабар эълон қилинганди. Оила ва хотин-қизлар қўмитаси ҳолат юзасидан муносабат билдириб, аёл назоратга олинганини билдирганди. Тошкент вилояти ҳокимлиги ахборот хизматининг вилоят ҳокими ўринбосари Зуҳра Миргазиевага таяниб, “Дарё”га билдиришича, ҳолат юзасидан жиноят иши қўзғатилган.
.jpg)
Мазкур ҳолат юзасидан Ўзбекистон Республикаси Ички ишлар вазирлиги, Тошкент вилояти ҳокими ўринбосари, Оила ва хотин-қизлар бошқармаси бошлиғи ҳамда Тошкент вилояти ички ишлар бошқармаси масъул ходимлари билан биргаликда жабрланувчи ҳолидан хабар олинди ва ҳолат юзасидан жиноят иши қўзғатилди. Айни пайтда аёлнинг соғлиғи тиббиёт ходимлари назоратида, — дейди ҳокимлик ахборот хизмати раҳбари Бекзод Қобулов.
.jpg)
Қўшимча қилинишича, воқеадан шахсан ички ишлар вазири Пўлат Бобожонов ҳам хабардор қилиниб, ҳолат вазир назоратига олинган.
Ўзбекистонда хотин-қизларни зулм ва зўравонликдан ҳимояловчи қонун кучга кирди.
Ўзбекистонда оилавий ёки жинсий зўравонлик содир этган шахсларни жавобгарликка тортишга доир қонун қабул қилинди. Эндиликда зўравонларга нисбатан жазо чоралари уларнинг қилмишидан келиб чиқиб белгиланади. Шавкат Мирзиёев хотин-қизлар ва болалар ҳуқуқлари, эркинликлари ҳамда қонуний манфаатларини ҳимоя қилиш тизимини такомиллаштиришга доир қонунни имзолади.
Ҳужжат асосида Жиноят ва Маъмурий жавобгарлик тўғрисидаги кодексларнинг тегишли моддаларига ўзгартириш ва қўшимчалар киритилади.
Изоҳ (0)