Isroil—Falastin harbiy to‘qnashuvlari chog‘ida asirga olingan O‘zbekiston fuqarolari haqidagi ma’lumotlar tarqatilmoqda. Mamlakatning Isroildagi elchixonasi mazkur xabarlarga munosabat bildirdi.
Ma’lum qilinishicha, elchixonaga Isroil va G‘azo sektoridagi mojaro hududlarida majburan ushlab turilganlar orasida O‘zbekiston fuqarolari borligi haqida ma’lumot kelib tushmagan. Hozirda O‘zbekiston fuqarolarini Isroilda ro‘yxatga olish tezlashtirilgan va soddalashtirilgan tartibda amalga oshirilmoqda.
Shu munosabat bilan elchixona Isroilda yashayotgan O‘zbekiston fuqarolariga yana bir bor murojaat qilib, tezkor aloqa va amaliy yordam ko‘rsatish maqsadida o‘zlarining istiqomat manzillari to‘g‘risidagi ma’lumotlarni diplomatik vakolatxonaning elektron manziliga jo‘natishni so‘radi.
Elchixonaning aloqa ma’lumotlari:
03-672-2466
03-672-2371
03-758-5075
03-758-5076
054-4851397
HAMAS 7-oktyabr kuni Isroilga raketa hujumlarini boshladi. Bunga javoban Isroil armiyasi G‘azo sektoriga yirik zarbalar berdi. Isroil rasmiylari mamlakat urush holatida ekanini rasman e’lon qildi.
10-oktyabrga kelib, Isroil tomonida halok bo‘lganlar soni 1,2 ming kishidan oshdi, 3 mingga yaqin kishi jarohatlangan. G‘azo sektorida esa jami 950 kishi halok bo‘ldi, 5 mingga yaqin kishi jarohat oldi.
Izoh (0)