Исроил—Фаластин ҳарбий тўқнашувлари чоғида асирга олинган Ўзбекистон фуқаролари ҳақидаги маълумотлар тарқатилмоқда. Мамлакатнинг Исроилдаги элчихонаси мазкур хабарларга муносабат билдирди.
Маълум қилинишича, элчихонага Исроил ва Ғазо секторидаги можаро ҳудудларида мажбуран ушлаб турилганлар орасида Ўзбекистон фуқаролари борлиги ҳақида маълумот келиб тушмаган. Ҳозирда Ўзбекистон фуқароларини Исроилда рўйхатга олиш тезлаштирилган ва соддалаштирилган тартибда амалга оширилмоқда.
Шу муносабат билан элчихона Исроилда яшаётган Ўзбекистон фуқароларига яна бир бор мурожаат қилиб, тезкор алоқа ва амалий ёрдам кўрсатиш мақсадида ўзларининг истиқомат манзиллари тўғрисидаги маълумотларни дипломатик ваколатхонанинг электрон манзилига жўнатишни сўради.
Элчихонанинг алоқа маълумотлари:
03-672-2466
03-672-2371
03-758-5075
03-758-5076
054-4851397
ҲАМАС 7-октябр куни Исроилга ракета ҳужумларини бошлади. Бунга жавобан Исроил армияси Ғазо секторига йирик зарбалар берди. Исроил расмийлари мамлакат уруш ҳолатида эканини расман эълон қилди.
10-октябрга келиб, Исроил томонида ҳалок бўлганлар сони 1,2 минг кишидан ошди, 3 мингга яқин киши жароҳатланган. Ғазо секторида эса жами 950 киши ҳалок бўлди, 5 мингга яқин киши жароҳат олди.
Изоҳ (0)