O‘zbekistonning sobiq qurilish vaziri vafot etdi. Bu haqda “Daryo”ga marhumning yaqinlari xabar berdi.
Marhum Nazir Rajabov 1939-yil 9-mayda Buxoro viloyatida tug‘ilgan bo‘lib, 1978-1983-yillarda O‘zbekiston SSR qishloq xo‘jaligi qurilish vaziri, 1983-1984-yillarda O‘zbekiston SSR qurilish vaziri, 1984-1987-yillarda O‘zbekiston Kompartiyasi Namangan viloyat qo‘mitasining birinchi kotibi lavozimlarida ishlagan.
Shuningdek, u 1987-1988-yillarda O‘zbekiston Kompartiyasi Samarqand viloyat birinchi kotibi vazifasida ham ishlagan.
Marhum yaqinlariga ko‘ra, Nazir Rajabov bugun, 11-oktyabr kuni tong paytida vafot etgan. Marhumning janozasi bugun 16:00 da, marhumning Toshkent shahri Mirzo Ulug‘bek tumanidagi xonadonida bo‘lib o‘tadi.
Izoh (0)