“Million” jamoasining Rossiyadagi gastrol safarlari chog‘ida aktrisa Nilufar Hamidovaning sahna libosi ko‘plab tanqidlarga sabab bo‘lgandi. “O‘zbekkonsert” davlat muassasasi akrisani ogohlantirdi.
Unga ko‘ra, so‘nggi paytlarda konsert-tomosha sohasida artistning odob-axloq qoidalariga zid bo‘lgan xatti-harakatlar qilishi hamda tomoshabinlarning his-tuyg‘ularini haqorat qiluvchi, konsert tadbirlarida repertuaridagi saviyasiz va noo‘rin qo‘shiqlar kuylagani, axloqsizlik g‘oyalarini targ‘ib qiluvchi holatlarga yo‘l qo‘ygani uchun ayrim ijodkorlar ijtimoiy tarmoqlar orqali tomoshabinlar va sanʼat muxlislarining haqli eʼtirozlariga hamda muhokamalariga sabab bo‘lmoqda.
Jumladan, aktrisa va boshlovchi Nilufar Hamidova “Million” ijodiy jamoasi konsert dasturida tashkilotchilarning eʼtiroziga qaramay, ochiq libosda sahna ko‘rinishini taqdim etgan. Bu harakati bilan u konsert-tomosha faoliyati uchun berilgan litsenziya talab va shartlarini buzgan.
Shu bois “O‘zbekkonsert” davlat muassasasi masʼul xodimlari tomonidan aktrisa va boshlovchi Nilufar Hamidova bilan suhbat o‘tkazilib, bundan buyon litsenziya talab va shartlariga rioya qilishi, agarda shu kabi holat yana takrorlanadigan bo‘lsa, unda qonuniy chora ko‘rilishi to‘g‘risida ogohlantirildi.
“Shuningdek, bu borada ‘Million’ ijodiy jamoasi rahbari Davron Kabulov bilan ham suhbat o‘tkazilib, jamoaning keyingi dasturlariga aktrisa Nilufar Hamidovani jalb etmaslik masalasi ko‘rib chiqilganini maʼlum qilamiz”, — deyildi xabarda.
Izoh (0)