Bugun, 21-sentyabr kuni AOKAda Sanitariya-epidemiologik osoyishtalik va jamoat salomatligi qo‘mitasi tomonidan “Ovqatdan zaharlanish holatlarini oldini olish borasida amalga oshirilayotgan ishlar” mavzusida matbuot anjumani bo‘lib o‘tdi.
Maʼlum qilinishicha, keyingi paytlarda respublika aholisi o‘rtasida umumiy ovqatlanish shaxobchalari, to‘yxonalar, maktabgacha taʼlim tashkilotlari, shu jumladan, uy sharoitida tayyorlangan, sifatsiz mahsulotlarini isteʼmol qilish bilan bog‘liq guruhli ovqatdan zaharlanish va “Botulizm” kasalliklari qayd etilishi ortib bormoqda.
“Joriy yilning o‘tgan 8 oyi davomida 39 ta holatda guruhli zaharlanish qayd etilib, ularda 414 nafar fuqaro jabrlangan, jabrlanganlarning 86 nafari bolalardir”, – deyiladi anjumanda.
Qayd etilgan ovqatdan zaharlanish holatlarining kelib chiqishi sabablari tahlil etilganda:
- aksariyat umumiy ovqatlanish obyektlari, nodavlat taʼlim muassasalari oshxonalari sanitariya qoida va meʼyorlari talablariga mos kelmagan holda faoliyat yuritayotganligi (oshxonalar loyiha bo‘yicha qurilmagan, asosiy va yordamchi sexlar tashkil etilmagan, issiq suv bilan taʼminlanmagan va h.k.);
- oshxonalarning jihozlar bilan to‘liq taʼminlanmagan va mavjudlari esa maʼnan eskirgan yoki nosoz holatda ekani;
- taom tayyorlash uchun sifati va xavfsizligi kafolatlanmagan oziq-ovqat mahsulotlari ishlatilishi;
- umumiy ovqatlanish obyektlari oshpazlarining ko‘pchiligi soha bo‘yicha o‘qimaganligi, ularning taom tayyorlash texnologiyalarini, oziq-ovqat mahsulotlarini saqlash, tashish va realizatsiya qilish qoidalarini bilmasligi;
- aksariyat hollarda “Sanitariya minimumi” o‘quv kurslarida o‘qimagan, sanitariya qoida va meʼyorlari, epidemiyaga qarshi elementar talablarni bilmaydigan, tibbiy ko‘rikdan o‘tmagan xodimlar ishga jalb etilayotgani aniqlandi.
Mavzuga doir:
- Angrenda bolalar zaharlanib, shifoxonaga yotqizilgan bog‘chaga qanday chora ko‘rildi: Sanepidqo‘mita ma’lumot berdi
- Qovun, tarvuz, go‘sht yoki sut: yozda zaharlanish oson bo‘lgan oziq-ovqatlar qaysi?
- Jizzaxda 57 kishi ovqatdan zaharlanib, shifoxonaga yotqizildi
- Ehtiyot bo‘ling: zaharlanish yoki allergiyaga olib keluvchi 5 xil oziq-ovqat
Izoh (0)