Beeline Uzbekistan 2023-yildagi tarmoq modernizatsiyasining birinchi bosqichini muvaffaqiyatli yakunladi. Bajarilgan ishlar natijasida, mamlakatimizning 137 ta tuman va 54 ta shahrida 1300 dan ortiq baza stansiyalari ishga tushirildi, mobil internet tezligi yaxshilandi, qamrov hududi kengaytirildi va tarmoq sig‘imi oshdi. Poytaxtning o‘zida 240 dan ortiq baza stansiyalari takomillashtirildi.
Olib borilgan ishlar davomida kompaniyaning texnik mutaxassislari 2G va 3G formatidagi baza stansiyalarini to‘rtinchi avlod tarmog‘ining ko‘rsatkichlarigacha “tezlashtirishdi” va tarmoq sig‘imini kengaytirishdi. Shu sababli, modernizatsiya nafaqat baza stansiyalari, balki radiorele liniyalariga ham taʼsir ko‘rsatdi. Buning natijasida poytaxtning barcha hududlarida aloqa xizmatlarining zarur sifati taʼminlanadi, bu avvalam bor, shahardagi aholi soni eng zich bo‘lgan joylarga taalluqli.
Qurilma yangilanishi uzatiladigan internet-trafik hajmini oshirish hamda mobil internetdan ko‘proq foydalanuvchilar foydalanishi uchun imkoniyat yaratdi. Shunday qilib, 2023-yilning sentabr holatiga ko‘ra, 4G’dan foydalanuvchi mijozlar soni 4,7 million kishini tashkil etdi, o‘tgan yilga nisbatan bu ko‘rsatkich 21% ga oshdi.
Tarmoqni modernizatsiya qilish bo‘yicha keng ko‘lamli loyiha ham turar-joy mavzelari, ham fuqarolarning ommabop dam olish joylarini, jumladan, yirik bozorlar va savdo markazlariga tutash hududlarni qamrab oldi. Ushbu manzillar qatorida, Tashkent City Park, Compass va NEXT savdo markazlari, Abu Saxiy, Karvon, Chorsu bozorlari, Parkent, Yunusobod va Sergeli bozorlari kiradi. O‘tgan yili Beeline Uzbekistan bir qator savdo markazlari binolari ichida yuqori sifatli 4G qamrovini taqdim etgan bo‘lsa, endi kompaniya mijozlari ommabop savdo maydonlaridan tashqarida ham yuqori tezlikdagi internetdan foydalanish imkoniyatiga ega bo‘lishdi.
Bundan tashqari, Toshkent shahrida tarmoqni modernizatsiya qilish loyihasi doirasida kompaniya “Humo Arena”ga tashrif buyuruvchilarni yanada barqaror va yuqori tezlikdagi aloqa bilan taʼminlash maqsadida sport-ko‘ngilochar majmuasidagi tarmoq infratuzilmasini yangilashni rejalashtirmoqda.
2023-yilning yana bir muhim texnik loyihasi Toshkent metropolitenida Beeline Uzbekistan tarmog‘ining ishga tushirilishi bo‘ldi. Raqamli operator xizmatlari hatto yer ostida, poytaxtning barcha metro bekatlarida mavjud bo‘ldi.
“Uch million kishi doimiy istiqomat qiladigan megapolisda yuqori sifatli aloqani taʼminlash murakkab va keng ko‘lamli vazifadir. Modernizatsiya 247 ta baza stansiyalariga taʼsir ko‘rsatdi, ularning aksariyati hozirda LTE standartini, o‘nlab radiorele liniyalarini va bir qator boshqa infratuzilma obyektlarini qo‘llab-quvvatlaydi. Poytaxtning barcha o‘n ikki tumanida ilg‘or texnologiyalardan foydalandik va tarmoq sig‘imini oshirdik. Mobil trafik isteʼmoli doimiy ravishda o‘sib bormoqda va bizning tarmog‘imiz mijozlarga barcha raqamli xizmatlardan tezkor foydalanish talablarini hisobga olgan holda, oldinda bo‘lishi kerak”, — deydi Toshkent va Toshkent viloyatida biznesni rivojlantirish bo‘yicha direktori Botirbek Beknazarov.
Beeline Uzbekistan yangi baza stansiyalari o‘rnatilgan manzillarning batafsil ro‘yxati bilan kompaniya saytida tanishish mumkin.
***
“Unitel” MChJ 2006-yilning 12-sentabridan boshlab “Beeline Uzbekistan” savdo belgisi ostida xizmatlar ko‘rsatib kelmoqda. Beeline Uzbekistan bosh qarorgohi Amsterdam shahrida (Niderlandiya) joylashgan VEON xalqaro telekommunikatsiya xoldingi tarkibiga kiradi
VEON 6 jadal rivojlanib borayotgan mamlakatda 160 milliondan ziyod foydalanuvchilarga ega global telekommunikatsiya va internet xizmatlarining provayderi. Uning aksiyalari NASDAQ va Euronext Amsterdam fond bozorlarida joylashtirilgan.
Beeline Uzbekistan’da 1.6 mingga yaqin xodim ishlaydi. 2006-yildan buyon O‘zbekiston bozoriga kirishi bilan VEON mamlakat telekommunikatsiya sohasiga 1.4 milliard AQSH dollaridan ortiq sarmoya kiritdi. “Unitel” MChJ — O‘zbekistonning yirik soliq to‘lovchi kompaniyalaridan biri. Beeline SB’ning O‘zbekistondagi faoliyati davomida 2 milliard dollarga yaqin soliq to‘langan.
Sayt: beeline.uz
Facebook: fb.com/beeline.uz
Instagram: @beeline_uzbekistan
Telegram: t.me/beelineuzbekistan
Twitter: twitter.com/beeline_uz
LinkedIn: @beeline-uzbekistan
Reklama huquqi asosida.
Izoh (0)