Ko‘chmas mulkka oid onlayn integratorlar nima va ular nima uchun kerak?
O‘zbekistonda Realting.uz onlayn platformasi ishga tushirildi. Bu nima va u nima uchun va kimlarga kerak?
Realting.uz - bu dunyoga mashhur Realting.com platformaning bo‘linmasi bo‘lib, u ko‘chmas mulk sohasida uy-joy harid qilish va sotish vositalari, yangiliklar va tahliliy xizmatlarning eng yirik integratoridir.
Ko‘chmas mulk bozorining barcha ishtirokchilari ehtiyojlarini muvaffaqiyatli ravishda qondirishga qodir bo‘lgan ushbu xalqaro platforma ko‘plab bozorlarda yetakchi o‘rinlarni egallab keladi. Platforma ko‘chmas mulk bilan bog‘liq axborot texnologiyalari sohasida 20 yillik tajribaga ega bo‘lgan jamoaga ega. Realting-ga tashrif buyuruvchilar orasida yirik developerlar, riyeltorlar, ikkilamchi uy-joy sotuvchilari va, albatta, ko‘chmas mulk xaridorlari bor. Realting xizmati tufayli ular nafaqat uy-joy sotib olishlari va sotishlari, balki interaktiv xarita mavjudligi tufayli obyektga tashrif buyurishdan oldin, u qayerda joylashganligini tasavvur qilishlari va bino atrofida qanday infratuzilma mavjudligini ko‘rishlari mumkin. Sayt shuningdek, savdo statistikasi, tijoriy ko‘chmas mulk savdolari statistikasi va uning o‘tkazuvchanligini kuzatish, shuningdek, ko‘chmas mulk sohasi tahlilchilari tomonidan berilgan baholar bilan tanishish imkonini beradi.
Bu kabi xizmatlar dunyoning ko‘plab mamlakatlarida katta talabga ega, chunki ular ko‘chmas mulk bozorida sheriklik asosidagi savdo tizimi va hamkorlik uchun ochiqlik tufayli bitimlarning tuzilishini osonlashtiradi.
Misol uchun, ushbu format AQSHda keng tarqalgan bo‘lib, u yerda ko‘chmas mulk agentliklari IT vositalari orqali potensial xaridorlarning katta auditoriyasini sheriklik asosidagi savdo tizimlari va ixtisoslashtirilgan resurslarsiz ishlashni tasavvur ham qila olishmaydi.
Sheriklik asosidagi savdoning afzalligi nimadan iborat?
Har bir riyeltor o‘z mijoziga boshqa riyeltorning mol-mulkini taklif qilishi mumkin, u esa bitim muvaffaqiyatli amalga oshirilgan taqdirda, unga xaridor uchun komissiya to‘laydi. Bu quyidagicha amalga oshiriladi: sheriklik asosidagi savdo tizimining barcha ishtirokchilari platformada ro‘yxatdan o‘tadilar va sheriklik komissiyasi miqdorini belgilaydilar.
Qulay interfeys va saytda shaxsiy kabinet yaratish imkoniyati tufayli Realting xizmatidan foydalanish juda oson va qulaydir. Bu eʼlon berayotganlar ham uy-joy izlayotganlar ham noqulay va noto‘g‘ri ishlab chiqilgan navigasiyaga vaqt va kuch sarflamasliklarini va yuzlab shunga o‘xshash eʼlonlar orasida chalkashib ketmasliklarini anglatadi.
Realting: nima uchun ushbu xizmat O‘zbekistonda uy-joy sotish, harid qilish va ijaraga berishni tubdan o‘zgartiradi?
Realting xizmati mahalliy ko‘chmas mulk bozori salohiyati tobora rivojlanib borayotgani munosabati bilan O‘zbekiston bozoriga chiqish to‘g‘risidagi qarorga keldi. Xizmat xalqaro maydonda O‘zbekistonning ko‘chmas mulk bozoriga eʼtiborni jalb qilish hamda mahalliy va xorijiy xaridorlar va investorlarning katta auditoriyasini tez fursatda to‘plashga yordam berish niyatida.
Xizmat O‘zbekistonda quyidagilar bilan shug‘ullanadi:
- Developerlar, riyeltorlik agentliklari va xususiy sotuvchilarning ko‘chmas mulk obyektlari to‘g‘risidagi eng to‘liq maʼlumotlar bazasini shakllantiradi. Bu o‘z navbatida uy-joylarni qidirish ishlari jarayonini bir necha barobar tezroq, qulayroq va samaraliroq qiladi.
- Chet ellarda ko‘chmas mulk bozorining professional ishtirokchilari: kompaniyalar, mutaxassislar, uyushmalar va professional ishtirokchilar jamoalari to‘g‘risida maʼlumot berib boradi.
- Shartnomalarning tuzilishini tezlashtirish uchun ko‘chmas mulk bozorining professional ishtirokchilaridan hamkorlik takliflarini - O‘zbekistonda sheriklik asosidagi savdo tizimini shakllantiradi.
- Platforma shuningdek, ommaviy axborot vositalari bilan hamkorlik qilish va O‘zbekistonda ko‘chmas mulk bozorining rivojlanishi haqidagi maʼlumotlarni berib boradigan axborot pulini yaratish niyatida, unda O‘zbekiston ko‘chmas mulk bozoridagi narxlar tendensiyalari bo‘yicha tahliliy tadqiqotlar ham taqdim etiladi.
Bugungi kunda Realting dunyodagi eng yirik riyeltorlar assotsiasiyasi – NAR (AQSH Milliy riyeltorlar assotsiasiyasi) bilan hamkorlik qiladi, bunday hamkorlik ham o‘zbek ko‘chmas mulkiga oid maʼlumotlarni xorijda tarqatishga yordam beradi. Yaʼni, dunyoning istalgan nuqtasida O‘zbekistonda ko‘chmas mulk topmoqchi bo‘lgan shaxs, u haqda maʼlumot olishi va tezkorlik bilan onlayn-bitim tuzish imkoniga ega bo‘lishi mumkin.
Ko‘chmas mulk bozoridagi global o‘yinchilarning prognozlariga ko‘ra, kelgusi yillarda biz ko‘chmas mulkni sotib olish va sotish operatsiyalarida qo‘llaniladigan raqamli texnologiyalarning keskin o‘sishini ko‘ramiz. Bu o‘rinda so‘z, birinchi navbatda, uy-joyni sotish, sotib olish va ijaraga berish jarayonini sifat jihatidan yangi darajaga olib chiqadigan CRM va MLS tizimlari - innovatsion IT echimlari haqida bormoqda. Ushbu tendensiya dunyoning barcha mintaqalarida kuzatiladi, O‘zbekiston ham bundan mustasno bo‘lmaydi. Realting.uz sayti tufayli mamlakat ushbu tendensiya unga G‘arbdan bir necha yil kechikib kelishini kutib o‘tirmasdan, qulay innovatsiyalardan hozirning o‘zida foydalanishni boshlash imkoniyatiga ega.
Maʼlumot uchun: O‘zbekistonda ko‘chmas mulk bozorining o‘sishi va u bilan bog‘liq muammolar
O‘zbekistonda ko‘chmas mulk bozori nihoyatda jadal surʼtlarda o‘sib bormoqda, buni raqamlar ham tasdiqlaydi: 2018-yildan buyon mamlakatda 300 mingdan ortiq uy-joy paydo bo‘lgan (taqqoslash uchun: bungacha 14 yil ichida, 2000-yildan 2014-yilgacha bor-yo‘g‘i 86 mingta bino qurilgan).
Biroq O‘zbekiston ko‘chmas mulk sektori jadal rivojlanib borayotgniga qaramasdan, u duch kelayotgan bir muammo borki, u ham bo‘lsa ko‘chmas mulk bozorining shaffof emasligidir. Gap firibgarlik haqida emas, balki ko‘chmas mulk sotib olmoqchi bo‘lgan yoki unga o‘z pulini kiritmoqchi bo‘lgan shaxsning O‘zbekiston bozorida nimalar bo‘layotgani haqida to‘liq tasavvurga ega bo‘la olmasligi haqida bormoqda.
Shu bilan birga, ko‘chmas mulk - bu o‘zi uchun uy sotib olish yoki ijaraga olishni istagan har kimga, tijoriy ko‘chmas mulkini qidirayotgan tadbirkorlarga va soha mutaxassislari-riyeltorlar, developerlar va iqtisodchilarga tegishli bo‘lgan sohadir.
Ko‘plab sohalarning, jumladan: turizm, chakana savdo, restoran biznesi, shaharsozlikning rivojlanishi, shuningdek, xorijiy investitsiyalar hajmi ko‘chmas mulk bozori qanchalik ochiq bo‘lishiga bog‘liq. Bu o‘rinda shaxsiy qulaylik darajasini ham tilga olib o‘tish lozim. Bunday qulaylik uy harid qilish yoki uyni ijaraga olish uchun qidirish ishlari qanchalik osonlashsa va tezlashsa shunchalik ortadi.
Raqamli innovatsiyalar davrida ochiq ko‘chmas mulk muhitini shakllantirish uchun zamonaviy onlayn-vositalar zarur. Realting.uz paydo bo‘lgunga qadar O‘zbekistonda to‘liq qamrovda ishlaydigan bunday vositalar bo‘lmagan. Endi biz nafaqat ko‘chmas mulk bozorining yanada o‘sganining shohidi bo‘lamiz, balki u bilan qulay va shaffof ishlash imkoniga ega bo‘lamiz.
Reklama huquqi asosida.
Izoh (0)