Ko‘rgazma 22-24-sentyabr kunlari bo‘lib o‘tadi. Kirish bepul. Manzil: Mirzo Ulug‘bek tumani, “Barkamol”mahalla fuqarolar yig‘ini, Milliy bog‘ ko‘chasi, №1. Mo‘ljal: CAU universiteti (sobiq Akfa universiteti).
AKFA BUILD mahsulotlari № C1 stendida namoyish etiladi.
Yuqori sifatli qurilish materiallari ishlab chiqaruvchi, yetakchi kompaniyalardan biri bo‘lgan AKFA BUILD kompaniyasi CAEx Mebel & Décor 2023 ko‘rgazma-yarmarkasida o‘zining debyutini mamnuniyat bilan eʼlon qiladi. Kompaniya zamonaviy interyerning ajralmas qismiga aylangan yangi va innovatsion HPL panellarini taqdim etadi. AKFA BUILD tomonidan ishlab chiqarilgan HPL panellari yuqori mustahkamligi, chidamliligi va estetik ko‘rinishi bilan ajralib turadi. Panellardan turli sohalarda, turlicha foydalanish mumkin.
- Eksteryer. HPL panellari binolarning old tomonini pardozlash ishlarida keng qo‘llaniladi. Ular namga va quyosh nuriga chidamli.
- Interyer. HPL panellari ofislar, maktablar va umumiy ovqatlanish binolari kabi obyektlarning ichki pardozlash ishlari uchun ishlatilishi mumkin.
- Mebel sanoati. HPL panellari stollar, stullar, oshxona jihozlari, shkaflar va boshqa jihozlarni tayyorlash uchun juda mos keladi.
- Transport yo‘nalishi. HPL panellari salonni pardozlash, polni va devorlarni o‘rnatish, shuningdek, interyer elementlarni yaratish uchun ishlatilishi mumkin.
- Tibbiyot sohasi. Tibbiyot muassasalarida HPL panellaridan foydalanishning asosiy afzalliklaridan biri shundaki, ularni tozalash oson va panellar yuzasida hech qanday mikroorganizmlar yashamaydi. Bundan tashqari, HPL panellari qirilishga, zarbalarga va kimyoviy moddalarga chidamli.
AKFA BUILD stendida HPL panellarining turli rangdagi va teksturadagi variantlari taqdim etiladi. Tashrif buyuruvchilar ularning sifati, dizayni va funksionalligini baholashlari, shuningdek, mahsulotlar haqida to‘liq maʼlumot olish uchun kompaniya vakillari bilan muloqot qilishlari mumkin bo‘ladi.
AKFA BUILD kompaniyasining CAEx Mebel & Décor ko‘rgazmasida ishtirok etishi soha yetakchilari bilan hamkorlik qilish va isteʼmolchilarga faqat yaxshisini taklif qilish muhimligini ko‘rsatadi. Kompaniya doimo innovatsiya va sifatga katta ahamiyat berib kelgan, shuning uchun uning mahsulotlari har qanday loyihaga ishonchli yechim bo'la oladi.
Biz potensial hamkorlarni ko‘rgazmada kutamiz va sizni HPL panellarining afzalliklari haqida batafsil maʼlumot olishga taklif qilamiz.
CAEx Mebel & Décor ko‘rgazmasi mebel va dekor sanoatidagi eng nufuzli, uzoq kutiladigan tadbirlardan biridir. Ushbu ko‘rgazmada o‘z mahsulotlarini namoyish qilish va yangi biznes bitimlarini tuzish uchun butun dunyo kompaniyalari yig‘iladi.
Izoh (0)