Ijtimoiy tarmoqlarda yo‘l talashib ketayotgan Cobalt va Lacetti ikkovi ham jarlikka qulagani haqida xabarlar tarqaldi. Unda aytilishicha, voqea Sariosiyo tumanida, 10-sentabr kuni sodir bo‘lgan, mashina ichidagi odamlar shifoxonaga yotqizilgan.
Voqea yuzasidan Surxondaryo viloyat IIB YHXB axborot xizmati rahbari Elnur Abrayev “Daryo”ga izoh berdi.
Aytilishicha, holat 11-sentabr kuni, soat 17:00 larda Sariosiyo tumanidagi “Alisher Navoiy” mahallasi hududidan o‘tuvchi avtomobil yo‘lida sodir bo‘lgan.
“Sariosiyo tumanida yashovchi, 1984-yilda tug‘ilgan fuqaro D.B boshqaruvidagi Lacetti rusumli avtomobilida Denov-Sariosiyo yo‘nalishida harakatlanib kelib, ehtiyotsizligi oqibatida boshqaruvni yo‘qotgan.
U o‘zi bilan bir yo‘nalishda harakatlanib ketayotgan haydovchilik guvohnomasiga ega bo‘lmagan, 2003-yilda tug‘ilgan Uzun tumanida yashovchi fuqaro M.J. boshqaruvidagi Cobalt avtomobilini quvib o‘tishga harakat qiladi. O‘sha vaqtda ushbu avtomobilning o‘ng yon tomoniga uriladi. Natijada ikkala avtomobil yo‘lning o‘ng tomonidagi pastlikka ag‘darilgan”, – dedi Elnur Abrayev.
Qo‘shimcha qilinishich, Lacetti rusumli avtomobil haydovchisi B.D. badanidagi turli shilinmalar bilan tuman shifoxonasiga murojaat qilgan.
Mavzuga doir:
Izoh (0)