Ижтимоий тармоқларда йўл талашиб кетаётган Cobalt ва Lacetti иккови ҳам жарликка қулагани ҳақида хабарлар тарқалди. Унда айтилишича, воқеа Сариосиё туманида, 10 сентябрь куни содир бўлган, машина ичидаги одамлар шифохонага ётқизилган.
Воқеа юзасидан Сурхондарё вилоят ИИБ ЙҲХБ ахборот хизмати раҳбари Элнур Абраев “Дарё”га изоҳ берди.
Айтилишича, ҳолат 11 сентябрь куни, соат 17:00 ларда Сариосиё туманидаги “Алишер Навоий” маҳалласи ҳудудидан ўтувчи автомобиль йўлида содир бўлган.
“Сариосиё туманида яшовчи, 1984 йилда туғилган фуқаро Д.Б бошқарувидаги Lacetti русумли автомобилида Денов-Сариосиё йўналишида ҳаракатланиб келиб, эҳтиётсизлиги оқибатида бошқарувни йўқотган.
У ўзи билан бир йўналишда ҳаракатланиб кетаётган ҳайдовчилик гувоҳномасига эга бўлмаган, 2003 йилда туғилган Узун туманида яшовчи фуқаро М.Ж. бошқарувидаги Cobalt автомобилини қувиб ўтишга ҳаракат қилади. Ўша вақтда ушбу автомобилнинг ўнг ён томонига урилади. Натижада иккала автомобиль йўлнинг ўнг томонидаги пастликка ағдарилган”, – деди Элнур Абраев.
Қўшимча қилинишич, Lacetti русумли автомобиль ҳайдовчиси Б.Д. баданидаги турли шилинмалар билан туман шифохонасига мурожаат қилган.
Мавзуга доир:
Изоҳ (0)