Turk seriallari dunyo bo‘ylab o‘z muxlislariga ega. Ko‘plab tomoshabinlar “Muhtasham yuz yil”, “Sevgi iztirobi”, “Qora niyat” kabi seriallarini sevib tomosha qilgan, biroq turk kino olamida qiziqarli sujeti bilan bilan muxlislarning qalbidan joy olgan boshqa yangi qiziqarli loyihalar ham bor.
“Sevgi taktikasi”
Melodrama va komediya janridagi “Sevgi taktikasi” seriali 2022-yilning 11-fevral sanasida premyera qilingan. Loyihada bosh rollarni Demet O‘zdemir (“Qulupnay hidi”, “Dunyo bilan mening o‘rtamizda”, “Erta uchgan qush”), Shukru Ozyildiz (“Hammasi sevgi uchun”, “Choliqushi”) ijro etgan.
Asli moda dizayneri va bloger bo‘lib, u o‘z tinglovchilariga munosabatlarni qanday o‘rnatish kerakligini o‘rgatadi. Kemer — reklama agenti, kelishgan va o‘ziga ishongan yigit. Bosh qahramonlarni ko‘pchilik yaxshi ko‘radi, biroq ularning o‘zi samimiy sevgi borligiga umuman ishonmaydi.
Kunlarning birida qiz va yigit bir ziyofatda ishtirok etib, do‘stlari bilan bahs boylaydi: oradan vaqt o‘tib juftlik bir-birini sevib qoladi. Shundan keyin Kemer va Asli o‘rtasidagi tuyg‘ular o‘yini boshlanadi — kim g‘olib bo‘lishini bilish uchun esa serialni tomosha qilgan ma’qul.
“Sevgi taktikasi 2”
“Sevgi taktikasi 2” 2023-yilning 14-iyul sanasida ekranlarga chiqqan. Demet O‘zdemir va Shukru Ozyildiz ishtirokidagi komediya melodramasining davomi 2023-yilning eng yangi turk loyihalaridan biri hisoblanadi. “Sevgi taktikasi 2”da Asli va Kemer bu safar nikoh borasida yangi tortishuvga duch keladi. Tomoshabinlar bosh qahramonlarning hamrohini o‘z tomoniga tortishga harakat qiladigan kulgili vaziyatlarni ko‘radi.
“Oh, Belinda”
Drama va komediya janridagi “Oh, Belinda” seriali 2023-yilning 7-aprel sanasida tomoshabinlarga taqdim etilgan.
Loyihada bosh rollarni Neslihan Atagul (“Hammasi sendan qolgan”, “Sevgi iztirobi”, “Istanbulning ikki yuzi”), Serkan Chayo‘g‘lu (“Gilos mavsumi”, “Uzuk”, “Yangi hayot”) ijro etgan.
Dilyara — yosh aktrisa. Uning hayotida sevimli yigiti, rejissorlarning qiziqarli taklifi, dabdabali hayoti bor. Qiz Belinda shampunining reklama roligini suratga olishga rozi bo‘lgach, hamma narsa o‘zgarib ketadi.
Bosh qahramonga Belinda shampunini bozorga olib chiqadigan reklama kompaniyasida ishlash taklif qilinadi. Aktrisa ikki farzandi bor uy bekasi rolini ijro etadi va to‘satdan qahramon o‘zini boshqa dunyoda topadi, bu yerda aktrisa reklama qahramonining hayotini boshdan kechiradi, ya’ni hayotidan juda nafratlangan uy bekasining barcha tashvishlari unga tushadi. Film komediya va fantastik janrda suratga olingan.
“Munajjimlar bashorati”
“Munajjimlar bashorati” seriali 2022-yilning 16-sentabr sanasida ekranlarga chiqqan. Unda bosh rollarni Go‘zde Mutluer (“Aka”, “Lola vaqti”), Ali Ersan Duru (“Qalbimning sultoni”, “Ajoyib kuyov”, “Eshigimni qoq”) o‘ynagan.
Burju — hayotdagi asosiy mashg‘uloti astrologiya bo‘lgan mashhur tadbirkor. Arxitektor Sinan jozibali Burjuga mahliyo bo‘lib, qizning e’tiborini tortish va uning qalbini zabt etish uchun hamma narsaga tayyor bo‘ladi. Biroq 12 ta burj ham Sinanning rejalariga zid. Serialdagi kutilmagan voqealar tomoshabinni o‘ziga jalb qiladi.
“Meni ishontir”
“Meni ishontir” seriali 2023-yilning 23-iyun sanasida namoyish etilgan. Serialda bosh rollarni Aycha Ayshin Turan (“Sovuq”, “Qora gul”), Ekin Koch (“Hammasi sendan qolgan”, “Uch kurush”, “Ko‘sem”) va boshqa aktyorlar ijro etgan.
Ikki qo‘shni buvilar nevaralarini uchrashtirishga qaror qiladi va ularning turmush qurishi uchun aql bovar qilmaydigan rejalar tuzadi. Bu rejalar amalga oshmaydi, bir-birini bolalikdan tanigan Sahra va Deniz bir-birini yoqtirmaydi.
O‘zaro adovatga qaramay, juftlik bir necha bor uchrashishi kerak bo‘ladi. Deniz — taniqli fotograf va Sahra undan intervyu olishi kerak. Sujeti dengiz manzaralari fonida rivojlanadi — bu yangi turk loyihasini tomosha qilish uchun yana bir sabab.
“Tushingda ko‘rasan”
Ushbu loyiha 2023-yilning 3-fevral sanasida taqdim etilgan. Serialda bosh rollarni Murat Boz (“Aka”), Burju O‘zberk (“Muhtasham yuz yil”, “Gunesh qizlari”, “Sevgi, aql, qasos”) va boshqa mahoratli aktyorlar ijro etgan.
Serial kutilmagan voqelarni o‘z ichiga oladi. Yangi turk serialining bosh qahramonlari Pelin va Engin. Pelin to‘yni rejalashtiruvchi xodim bo‘lib ishlaydi, agentlik egasi bo‘lishni xohlaydi, biroq shaxsiy hayot masalasiga keladigan bo‘lsak, uning o‘zi turmush qurishga tayyor emas. Engin o‘z restoranini ochishni orzu qilgan qurilish kompaniyasining egasi. Uning atrofida ko‘plab qizlar bor, biroq hali u borada tanlov qilishga ulgurmagan.
Pelin va Engin ziyofatda uchrashib qoladi, undan keyingi hamma voqealar tushga o‘xshaydi. Ertalab yoshlar bir to‘shakda uyg‘onib, turmush qurganiga ikki yil bo‘lganinin bilishadi.
Izoh (0)