Турк сериаллари дунё бўйлаб ўз мухлисларига эга. Кўплаб томошабинлар “Муҳташам юз йил”, “Севги изтироби”, “Қора ният” каби сериалларини севиб томоша қилган, бироқ турк кино оламида қизиқарли сюжети билан билан мухлисларнинг қалбидан жой олган бошқа янги қизиқарли лойиҳалар ҳам бор.
“Севги тактикаси”
Мелодрама ва комедия жанридаги “Севги тактикаси” сериали 2022 йилнинг 11 февраль санасида премьера қилинган. Лойиҳада бош ролларни Демет Ўздемир (“Қулупнай ҳиди”, “Дунё билан менинг ўртамизда”, “Эрта учган қуш”), Шукру Озйилдиз (“Ҳаммаси севги учун”, “Чолиқуши”) ижро этган.
Асли мода дизайнери ва блогер бўлиб, у ўз тингловчиларига муносабатларни қандай ўрнатиш кераклигини ўргатади. Кемер — реклама агенти, келишган ва ўзига ишонган йигит. Бош қаҳрамонларни кўпчилик яхши кўради, бироқ уларнинг ўзи самимий севги борлигига умуман ишонмайди.
Кунларнинг бирида қиз ва йигит бир зиёфатда иштирок этиб, дўстлари билан баҳс бойлайди: орадан вақт ўтиб жуфтлик бир-бирини севиб қолади. Шундан кейин Кемер ва Асли ўртасидаги туйғулар ўйини бошланади — ким ғолиб бўлишини билиш учун эса сериални томоша қилган маъқул.
“Севги тактикаси 2”
“Севги тактикаси 2” 2023 йилнинг 14 июль санасида экранларга чиққан. Демет Ўздемир ва Шукру Озйилдиз иштирокидаги комедия мелодрамасининг давоми 2023 йилнинг энг янги турк лойиҳаларидан бири ҳисобланади. “Севги тактикаси 2”да Асли ва Кемер бу сафар никоҳ борасида янги тортишувга дуч келади. Томошабинлар бош қаҳрамонларнинг ҳамроҳини ўз томонига тортишга ҳаракат қиладиган кулгили вазиятларни кўради.
“Оҳ, Белинда”
Драма ва комедия жанридаги “Оҳ, Белинда” сериали 2023 йилнинг 7 апрель санасида томошабинларга тақдим этилган.
Лойиҳада бош ролларни Неслиҳан Атагул (“Ҳаммаси сендан қолган”, “Севги изтироби”, “Истанбулнинг икки юзи”), Серкан Чайўғлу (“Гилос мавсуми”, “Узук”, “Янги ҳаёт”) ижро этган.
Диляра — ёш актриса. Унинг ҳаётида севимли йигити, режиссёрларнинг қизиқарли таклифи, дабдабали ҳаёти бор. Қиз Белинда шампунининг реклама ролигини суратга олишга рози бўлгач, ҳамма нарса ўзгариб кетади.
Бош қаҳрамонга Белинда шампунини бозорга олиб чиқадиган реклама компаниясида ишлаш таклиф қилинади. Актриса икки фарзанди бор уй бекаси ролини ижро этади ва тўсатдан қаҳрамон ўзини бошқа дунёда топади, бу ерда актриса реклама қаҳрамонининг ҳаётини бошдан кечиради, яъни ҳаётидан жуда нафратланган уй бекасининг барча ташвишлари унга тушади. Фильм комедия ва фантастик жанрда суратга олинган.
“Мунажжимлар башорати”
“Мунажжимлар башорати” сериали 2022 йилнинг 16 сентябрь санасида экранларга чиққан. Унда бош ролларни Гўзде Мутлуэр (“Ака”, “Лола вақти”), Али Эрсан Дуру (“Қалбимнинг султони”, “Ажойиб куёв”, “Эшигимни қоқ”) ўйнаган.
Буржу — ҳаётдаги асосий машғулоти астрология бўлган машҳур тадбиркор. Архитектор Синан жозибали Буржуга маҳлиё бўлиб, қизнинг эътиборини тортиш ва унинг қалбини забт этиш учун ҳамма нарсага тайёр бўлади. Бироқ 12 та бурж ҳам Синаннинг режаларига зид. Сериалдаги кутилмаган воқеалар томошабинни ўзига жалб қилади.
“Мени ишонтир”
“Мени ишонтир” сериали 2023 йилнинг 23 июнь санасида намойиш этилган. Сериалда бош ролларни Айча Айшин Туран (“Совуқ”, “Қора гул”), Экин Коч (“Ҳаммаси сендан қолган”, “Уч куруш”, “Кўсем”) ва бошқа актёрлар ижро этган.
Икки қўшни бувилар невараларини учраштиришга қарор қилади ва уларнинг турмуш қуриши учун ақл бовар қилмайдиган режалар тузади. Бу режалар амалга ошмайди, бир-бирини болаликдан таниган Саҳра ва Дениз бир-бирини ёқтирмайди.
Ўзаро адоватга қарамай, жуфтлик бир неча бор учрашиши керак бўлади. Дениз — таниқли фотограф ва Саҳра ундан интервью олиши керак. Сюжети денгиз манзаралари фонида ривожланади — бу янги турк лойиҳасини томоша қилиш учун яна бир сабаб.
“Тушингда кўрасан”
Ушбу лойиҳа 2023 йилнинг 3 февраль санасида тақдим этилган. Сериалда бош ролларни Мурат Боз (“Ака”), Буржу Ўзберк (“Муҳташам юз йил”, “Гунеш қизлари”, “Севги, ақл, қасос”) ва бошқа маҳоратли актёрлар ижро этган.
Сериал кутилмаган воқеларни ўз ичига олади. Янги турк сериалининг бош қаҳрамонлари Пелин ва Энгин. Пелин тўйни режалаштирувчи ходим бўлиб ишлайди, агентлик эгаси бўлишни хоҳлайди, бироқ шахсий ҳаёт масаласига келадиган бўлсак, унинг ўзи турмуш қуришга тайёр эмас. Энгин ўз ресторанини очишни орзу қилган қурилиш компаниясининг эгаси. Унинг атрофида кўплаб қизлар бор, бироқ ҳали у борада танлов қилишга улгурмаган.
Пелин ва Энгин зиёфатда учрашиб қолади, ундан кейинги ҳамма воқеалар тушга ўхшайди. Эрталаб ёшлар бир тўшакда уйғониб, турмуш қурганига икки йил бўлганинин билишади.
Изоҳ (0)