Turk seriallari uzoq vaqtdan beri butun dunyo tomoshabinlarining qalbini zabt etib kelmoqda. Buning ajablanarli joyi yo‘q, chunki turk aktyorlarining go‘zalligi va ajoyib aktyorlik mahorati hech bir tomoshabinni befarq qoldirmaydi. Ular loyihalardagi ishtiroki uchun hayratlanarli darajada yuqori daromad oladi. Quyida mashhur turk seriallarida suratga tushgan aktyorlarning gonorari haqida ma’lumot beriladi.
“Oila” — Kivanch Tatlitug‘ va Serenay Sarikaya
Birinchi o‘rinni “Oila” loyihasida bosh rolni ijro etgan aktyorlar egalladi. Kivanch Tatlitug‘ ushbu loyihadagi har bir epizodi uchun 55 ming dollardan ortiq gonorar olgan. Serenay Sarikaya hamkasbi bilan deyarli teng gonorar oldi, uning gonorari 44 ming dollarni tashkil etadi.
.jpg)
“Hukm” — Kaan Urganjio‘g‘lu va Pinar Deniz
Har xil miqdorda gonorar oladigan Kivanch va Serenaydan farqli o‘laroq “Hukm” serialida bosh rolni ijro etgan aktyorlar teng darajada daromad olgan. Kaan va Pinar serialning har epizodida suratga tushgani uchun 25 ming dollar gonorarga ega chiqqan.
“Mening ismim Farah” — Engin Akyurek va Demet O‘zdemir
Yana bir mashhur turk seriali “Mening ismim Farah” deb nomlanadi. Unda bosh rollarni Engin Akyurek va Demet O‘zdemir ijro etgan. Bu aktyorlarga ham bir xil maosh to‘langan. Har bir seriya aktyorlarga 23 ming dollar olib kelgan.
“Qo‘rg‘on sirlari” — Afra Saracho‘g‘lu va Mert Ramazon Demir
To‘rtinchi o‘rinda “Qo‘rg‘on sirlari” seriali yulduzlari joy oldi. Bu loyiha bilan bog‘liq vaziyat teskari, go‘zal aktrisa Afra Mert Ramazondan ko‘proq gonorar olgan. 26 yoshli aktrisa suratga olingan har bir epizod uchun 18 ming dollar, Mert Ramazon Demir esa atigi 14 ming dollar olgan.
“Klyukva sharbati” — Sila Turko‘g‘lu
Beshinchi o‘rin “Klyukva sherbeti” serialining aktyoriga nasib etdi. Bosh rolni ijro etgan aktrisa Sila Turko‘g‘lu loyihadagi har bir epizodi uchun 3 700 dollar gonorar olgan.
Aytish kerakki, turk seriallari prodyuserlarining bunday xarajatlarga qurbi yetadi, chunki ularning mahsulotlari ko‘plab mamlakatlarda mashhur va ijodkorlar o‘z filmlarini arzon narxda sotmaydi. Masalan, “Klyukva sharbati”ning bir qismi 100 ming dollarga, “Mening ismim Farah” serialining har bir epizodi 150 ming dollarga, “Oila” va “Hukm” loyihalarining har bir epizodi 350 ming dollarga baholangan.
“Qo‘rg‘on sirlari” loyihasi bu borada yetakchi hisoblanadi, chunki xaridorlar har bir epizod uchun 400 ming dollar ajratishlari kerak. Bu sur’atda turkiyalik prodyuserlar tez orada Gollivud filmlari bilan tenglasha oladigan loyihalarni yaratishi ham mumkin, chunki Turkiyada go‘zal aktyorlar ko‘p.
Izoh (0)